雙11周圍都有大減價, 同姊妹們係K11 Musea大出血後就去咗B2層Food Playground睇有咩食, 係Food court食就可以慳咗加一服務費。行咗一圈後, 見到新開呢間The Big Things Noodles, 主打創新麵食, 雖然選擇唔多, 但每款都各有特色, 一於試試。 我地各人都揀咗三款唔同嘅麵食,【北海道海膽稻庭烏冬】HK$138橙黃色兼多汁賣相已經令人流口水, 有兩大粒鮮甜有質感嘅北海道海膽, 而每條烏冬都平均沾上creamy嘅汁, 忌廉味重, 個汁令每啖入口都很有鮮香, 間中夾集埋三文魚籽食, 多了一點層次, 隱約多了點魚香。 【特濃卡邦尼烏冬】HK$98呢款烏冬加入咗巴馬臣芝士同埋忌廉, 令每條烏冬表面質感極為creamy, 配上意大利風乾豬腩、忌廉、洋蔥、醃蛋黃、法蔥同脆煙肉, d脆煙肉粒粒仲係脆脆的, 撈埋一齊食, 間中食到微鹹脆煙肉粒, creamy中又微弱地有返d層次, 正! 【醬油漬玉子信州綠茶蕎麥麵】HK$68相比下呢款麵較為清, 凍食綠茶蕎麥麵加入了自製木魚汁、大蔥、青蔥、芝麻、日本蛋, 將蛋黃篤穿撈埋食, 令口感帶點點黏, 自製木魚汁味道偏淡, 但夾埋大蔥、青蔥食, 有點唱口, 整體配搭清新。 .The Big Things Noodles尖沙咀梳士巴利道18號Victoria Dockside K11 MuseaB2樓G號舖.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/小紅書: https://www.xiaohongshu.com/user/profile/5b230759e8ac2b524de93a5eBeautyExchange: http://www.beautyexchange.com.hk/blog/keresawong.l.sESDlife: http://wow.esdlife.com/keresawongWeibo: http://weibo.com/keresawong
