休息了半年, 最近終於搵到工, 第一時間約丫姨食餐好。住將軍澳嘅佢就建議去一間叫「牛助」食晚市放題。位置唔多起眼, 如非當區居民, 真係唔會知道呢度有間餐廳。 餐廳面積唔算大, 但地方企理, 晚市供應定食同埋90分鐘火鍋放題。放題分別有六款套餐價錢選擇, 六款湯底選擇, 每個價錢同樣可任食壽司卷物、菜類、丸類、麵類、甜品, 任飲啤酒、汽水;我地揀咗「美國牛肩加黑豚肉」餐, 成人HK$258; 小童HK$138湯底就揀咗酸甜開胃嘅蕃茄濃湯,設自助區, 飲品均為罐裝, 有多款啤酒、汽水 壽司卷物、菜類、丸類、麵類、甜品都為自助形式取, 補給都算幾密, 全程未見過有吉盤。 肉類就要向侍應落order, 上檯速度都幾快,所有肉類唔會過薄, 至少唔會透光, 牛肩: 脂肪偏少, 牛肩部位本身質地偏實, 但薄切反而避免了鞋十十口感, 牛味偏濃一點。 再Order嘅牛肩質素亦不會有差別 肥牛: 脂肪相對多, 肉質相對嫩一點 伊比利亞全橡果豚肉: 賣相完全唔似豚肉, 脂肪分佈平均, 肉質嫩, 有淡淡肉香 雞肉: 避免烚過龍, 肉質好滑, 冇雪味 壽司款式輪流推出, 就連三文魚腩壽司都有, 炸物款式同樣輪流推出, 而且侍應亦會去每檯分派, 有多嘅就會放去自助區。 地瓜香芋丸: 外層不油, 入面有甜甜地嘅香芋蓉 雞軟骨: 爽脆, 灑咗少少鹽吊味 提早訂檯, 每位送100ml Haagen-Dazs雪糕; 揀食$198以上套餐, 每位送75ml Haagen-Dazs雪糕; 餐廳仲有清酒放題tim~ .牛助將軍澳唐賢街19號天晉匯二期一樓119B號舖.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/小紅書: https://www.xiaohongshu.com/user/profile/5b230759e8ac2b524de93a5eBeautyExchange: http://www.beautyexchange.com.hk/blog/keresawong.l.sESDlife: http://wow.esdlife.com/keresawongWeibo: http://weibo.com/keresawong
