相約友人聚會通常都會揀d可以坐耐少少嘅Cafe食野邊閒聊, 43H號登打士廣場正正係旺角其中一棟比較多cafe集中嘅大廈, 見網上評價唔錯就book咗12樓嘅部屋咖啡室試試。 成為今日第一pair客入座, 店內面積唔大, 座位唔算話好迫, 都以布沙發為主, 但沙發比較多漬, 望落感覺唔太乾淨。 我地Order咗【COMBO for two】 HK$308可自選10” 手拉PIZZA、意粉/飯、炸蟹餅、餐飲 (檸檬水/茶 ONLY)如果揀以外嘅飲品就要額外加錢升級 其中加咗$10 order了fruit punch, 有些少汽, 內裡有少少䈮篛 炸蟹餅: 外層香脆唔會過油, 入面有好多甜甜蟹柳, 點埋甜辣醬, 味道更提升。 西西里PIZZA: PIZZA為薄批, 面層有芝士、辣肉腸、茄醬、蘑菇、火箭菜, 配搭傳統不會伏, 餅皮較為煙韌, 芝士不能做出拉絲, 但都食到芝士鹹香, 辣肉腸就比較乾身少少。 黑松露雜菇意大利飯: 賣相已睇得出好creamy, 忌廉味同埋黑松露味都很重, 不過有點兒偏鹹, 飯粒軟硬剛好, 不是生米粒口感, 夾集了雜菇, 加添了層次。 .部屋咖啡室旺角登打士街43H號登打士廣場12樓星期一至日: 12:00 - 21:30.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/小紅書: https://www.xiaohongshu.com/user/profile/5b230759e8ac2b524de93a5eBeautyExchange: http://www.beautyexchange.com.hk/blog/keresawong.l.sESDlife: http://wow.esdlife.com/keresawongWeibo: http://weibo.com/keresawong