經過尖沙咀發現新開咗間拉麵店, 原來係apm開咗幾年, 一直都未有機會試嘅神山。聽聞係東京過江龍, 新店開張就順便入去試試!點擊圖片放大 原來尖沙咀分店有限定款式, 大胃口嘅友人極有興趣挑戰!分店限定重量級2人份「火山極盛豚肉沾汁麵 」每日限定10碗將招牌「豚角燒」刨成肉片, 堆成富士山般, 盡顯份量, 店員介紹係比一般拉麵多十倍份量!!麵底選用咗香港首創自家特製坑紋麵, 能掛起更多沾汁, 更有味道~每片豚角燒表面烤炙至焦香, 迫出多餘油份, 食落冇咁油, 但質地偏乾咗d,再淋上秘製辛辣醬, 令肉片辣辣地, 被肉片圍住嘅係大量芽菜絲、洋蔥, 夾埋一齊食, 增加層次。配上兩碗豚骨魚介沾汁, 個汁滑得黎又易掛汁, 鹹香味濃郁。 點擊圖片放大 +5 【神山豚肉沾汁麵 (一人前)】麵底同樣係坑紋麵, 另送上豚骨魚介沾汁, 內有一隻流心嘅鹵蛋, 豚肉超厚切, 肥油層比例較多, 表面烤炙至焦香, 質地好林, 豚肉瘦返d冇咁油會好好多。點擊圖片放大 +2 【神山炸雞】很有驚喜, 炸雞表面酥脆香口, 唔油膩, 內裡嫩滑又keep到肉汁, 沾咗少少沙律醬, 唔錯! 【神山湯餃子】餃子預先煎過再放入湯, 餃皮索咗秘製豚骨湯底, 食落唔會一pat pat, 更突顯整體豚肉香。 野飲就揀咗兩款焙茶, 【白桃焙茶】【蘋果焙茶】味道偏甜, 焙茶味相對很淡, 幾乎冇茶味, 當果汁飲唔錯嘅.... .神山麺屋尖沙咀漢口道17號新聲大廈地下AK及B號舖.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/小紅書: https://www.xiaohongshu.com/user/profile/5b230759e8ac2b524de93a5eBeautyExchange: http://www.beautyexchange.com.hk/blog/keresawong.l.sESDlife: http://wow.esdlife.com/keresawongWeibo: http://weibo.com/keresawong