今日去開觀塘, 見差不多到丫妹放工時間就係附件兜下, 順便同佢食餐飯先再返屋企。無意中係工廠大廈外嘅招牌, 見到有間打邊爐, 上網search下評價仲幾高, 於是等埋丫妹就一齊去試試。 餐廳地方簡潔, 對於工廈黎講算係咁。點擊圖片放大 +3 送上醬油盤 (醬油 HK$18/位), 同埋前菜有香脆魚皮。 湯底揀左【胡椒鹹菜豬肚鍋】HK$78湯底胡椒味重, 少少胡椒辣, 幾惹味, 豬肚有咬口 【珊瑚蚌】HK$108賣相新鮮, 熟後口感好爽! 【手打芝心墨魚丸 併 手打芝心鮮蝦丸】HK$108手打丸類大大粒, 每粒都幾足料彈牙。尤其蝦丸, 真係有粒粒鮮甜彈牙蝦粒, 中心果然有爆芝! 芝士味偏淡, 正好冇覆蓋到蝦丸鮮甜味。墨丸同樣食到墨丸嘅鮮味, 間中食到墨魚嘅細粒。點擊圖片放大 手打系列果然值得encore, 於是叫多個鮮蝦滑【手打鮮蝦滑 併 豬腩片】HK$88同樣鮮甜彈牙有蝦粒; 豬腩片鮮嫩好滑, 肥瘦比例平均 【草莓沙冰】HK$35沙冰打得幼細, 味道清甜有果香 最後仲有果盤送。 .巧得鍋觀塘成業街15-17號成運工業大廈1樓12-14舖星期一至六: 11:30 - 15:00; 17:30 - 00:30星期日/公眾假期: 17:30 - 00:30.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/小紅書: https://www.xiaohongshu.com/user/profile/5b230759e8ac2b524de93a5eBeautyExchange: http://www.beautyexchange.com.hk/blog/keresawong.l.sESDlife: http://wow.esdlife.com/keresawongWeibo: http://weibo.com/keresawong