難得今晚全家齊人食飯, 媽咪建議去上海姥姥食晚飯, 話之前經過見到推出春日限定「尋味江南」菜式, 正好今日齊人可以食多幾款。估唔到平日晚都咁多人幫襯, 等位等左半個鐘, 「尋味江南」一共四款, 價錢又唔貴, 於是一次過order哂四款。 上海姥姥招牌菜小籠包加入左新食材【鮮肉小龍蝦小籠包】HK$48新款小籠包同樣皮薄餡靚多汁, 豬肉餡料再多加一隻小龍蝦, 味道更鮮。 【爆汁鮮蝦韭菜餡餅】HK$42表面烘至香脆, 一咬果然爆汁, D汁多到bi出黎, 鮮味餡料混入大量韭菜, 整體韭菜味偏重, 香口味爆燈。點擊圖片放大 【家傳老上海粗湯麵】HK$66上海傳統湯麵, 湯底濃郁, 粗麵份量多, 對比肉絲、冬菇絲、椰菜絲份量少左d。 【滬上兩黃麵】HK$88江蘇等地傳統麵食, 油麵底炸過, 質地較鞋, 較易索左個汁, d料都幾多, 包括有蝦、魚、豬、雞同埋冬菇等...配搭豐富。 另外又order左幾款"十大經典菜式" 食過小龍蝦小籠包後, 都要再order傳統【招牌小籠包】HK$40小籠包中包住豬肉餡料, 仲有唔少湯汁湧出, 食得滋味! 【水煮魚片】HK$108很有驚喜, 上檯時已聞到濃烈辛辣味, 魚片超滑, 而且冇骨, 可以放心大啖食, 當中有少量又滑又林嘅薯粉, 配上香辣湯汁, 香辣惹味開胃~ 【鎮江黑醋骨】HK$88黑醋骨被炸過, 平均沾滿黑醋, 黏口甜甜的。 最後食埋甜品---【豆沙鍋餅】HK$48外層煎至金黃微脆, 夾住豆沙餡料, 整體唔會太甜。唔錯~ .上海姥姥九龍灣偉業街33號德福廣場二期5樓528-529號舖.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/小紅書: https://www.xiaohongshu.com/user/profile/5b230759e8ac2b524de93a5eBeautyExchange: http://www.beautyexchange.com.hk/blog/keresawong.l.sESDlife: http://wow.esdlife.com/keresawongWeibo: http://weibo.com/keresawong