秋高氣爽最佳活動就係BBQ, 但距離秋天都仲有好幾個月, 同丫妹一向都忠情BBQ, 見今日我倆都冇節目, 冇準備之下, 就一齊去大美督BBQ!搭巴士去到大美督, 見到張"麥師傅"嘅燒烤場Banner, 穿過空地停車場到入口, 門外banner標明價錢同埋食物款式, 任食5小時, 每位入場$170, 包每位兩罐定價$8嘅罐裝汽水。可補差價要支裝飲品。 開爐費方面視乎揀邊款爐, 我地就揀最普通果款爐, $60, 包兩包碳 比錢後隨即提供飲品卷、燒烤叉、卷裝廁紙、紙碟、膠叉、膠手套、麵包、蜜糖 入場自已揀好位置, 就有職員協助開爐,地方開揚, 有蓋位置都幾多, 而且仲有風扇吹住, BBQ期間都唔會太焗促 首輪食物用一膠盤放了好幾款食物, 似乎係"麥師傅"所推介必食 食物比我預期中質素好, 扒類醃得入味又夠林, 場內有一大banner標明建議烤煮時間 (但當日在場就不見"麥師傅"蹤影) 咖喱魷魚大大片, 好爽, 有淡淡咖喱香黑椒牛扒很有黑椒香, 惹味; 另有蒜蓉豬扒, 厚切得黎質地唔會鞋....點擊圖片放大 然後拎整個食物盤去食物領取處再拎食物, 原來食物款式都唔少! 仲有我最愛嘅雞全翼、燒賣、多款丸類, 雞中翼都有幾款不同口味選擇, 魚蛋仲好彈牙 至於蔬菜類任食就有粟米同埋翠肉瓜, 但金菇同埋蕃薯就再要額外買, 場內另一邊有供小朋友遊玩嘅吹氣滑梯、撈金魚等等... BBQ其中最擔心就係洗手間, 還好呢度嘅Toilet都可接受, 至少唔會有異味。 原本擔心兩包碳唔夠燒幾個鐘, 最後還是剛剛好。.大尾篤麥師傅大埔汀角路地段17星期一至日: 11:00 - 00:00.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/小紅書: https://www.xiaohongshu.com/user/profile/5b230759e8ac2b524de93a5eBeautyExchange: http://www.beautyexchange.com.hk/blog/keresawong.l.sESDlife: http://wow.esdlife.com/keresawongWeibo: http://weibo.com/keresawong