今日去荔枝角做facial, 順道約左附近做野嘅朋友食Dinner。原來地鐵口果間上勝搬左去大馬路果邊, 今晚正好去新店堂食。 餐廳內環境整潔, 設有卡位, 坐得舒服, 看看MENU, 單係刺身丼飯款式已經花多眼亂, 丼飯還有熟食選擇, 另有串燒、壽司、手卷、軍艦等等...令我倆選擇困難症發作。 呢度嘅飯底都選用了醬油飯取代醋飯, 唔洗點太多豉油再調味。【海膽雙魚丼】HK$85刺身有dd厚度, 三文魚有魚香、甘香油甘魚、粒粒甜蛋, 仲有一粒海膽做點驟, 過下口癮之餘, 至少可試到呢度嘅海膽質素唔會腥, 味道甘甜。醬油飯壓得好實, 份量唔細。 壽司方面質素更好, 醬油飯小小的, 襯托到刺身更有份量。【三文魚腩壽司】HK $28三文魚腩厚切, 滿足口感又有魚油香, 超正!!【松葉蟹膏軍艦】HK$28蟹膏富有鹹香, 整件入口, 醬油飯平衡了蟹膏濃郁味道。 【芥末八爪魚軍艦】HK$22八爪魚好爽, 有陣陣攻鼻嘅芥末 【拖羅蓉杯】HK$58拖羅蓉有魚香黏口, 配上三文魚籽, 增加魚油香同時增加口感, 用紫菜包住食, 內脆內軟, 正! .上勝日本料理荔枝角長沙灣道883號億利工業中心地下1B號舖星期一至日: 11:00 - 15:15; 18:00 - 22:00.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/小紅書: https://www.xiaohongshu.com/user/profile/5b230759e8ac2b524de93a5eBeautyExchange: http://www.beautyexchange.com.hk/blog/keresawong.l.sESDlife: http://wow.esdlife.com/keresawongWeibo: http://weibo.com/keresawong
