舊朋友聚會, 想搵間餐廳大吃大喝一番, 放題就最好不過, 但唔少放題餐廳最多都只限最多2小時, 密密食根本冇時間慢慢傾計。新南苑限時180分鐘, 絕對夠時間慢慢食, 慢慢傾。 餐廳大約7點多就全場坐滿, 用易拉架分隔檯與檯, 反而更增私穩度。 三個套餐選擇, 三款均有雞煲任食, 差別只在任食主打款式而定價。 我地揀左"牛魔王套餐", 滿足打邊爐無牛不歡嘅我地。 入座店員隨即送上一大盤滾水比我地滾下餐具高溫消毒。 混醬跟飲品設自助區, 先送上雞煲, 可自選大中小同唔辣, 我地揀左小辣, 平時唔食得辣嘅朋友都handle到,雞煲中加入左已預先5成熟嘅雞件同香料, 每隔2分鐘炒一炒, 重覆3次, 加入脆油炸鬼, 撈一撈個汁就食得。 雞件嫩滑又多汁, 醃得入味, 雞皮炒過後帶少少焦香, 沾左個汁, 少少辣, 惹味!雞煲可無限encore, 不過留肚打邊爐關係, 只係食左一round就轉打邊爐。揀左"蟹窩花甲湯底", 店員指呢款湯底係灣仔店限定, 而且仲有湯底雪成手掌般大嘅冰公仔, 未開始打邊爐, 先影相打卡!湯底味度清甜。 加入湯底再將冰公仔溶掉, 就正式打邊爐喇!!! 所有唔同種類嘅牛一次過上檯, 每款試試, 中意食果款再encore!右上) 美國黑毛和牛肉眼右下) 安格斯牛小排左上) 美國肥牛牛心片左下) 美國肥牛 本地手切牛頸肩: 牛脂相對較少, 入口冇咁嫩滑, 但食落唔覺漏 相比下, 美國黑毛和牛肉眼牛脂呈大理石紋, 分佈比均, 質地嫩滑, 牛脂豐富, 食多幾件好快漏。食左成盤牛, 我地再encore黑毛和牛. 質素同樣都係咁有水準 蔬菜、丸類等火鍋配料就click紙仔落單。 配料質素亦唔差, 特別係水魷、牛柏葉, 好爽! 最後送上牛乳奶凍, 很有奶香。 180分鐘足夠時間可以慢慢食, 慢慢嘆, 唔洗趕頭趕命食, 咁先叫享受美食! .新南苑私房菜火鍋鷄煲灣仔盧押道18號海德中心2樓.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/小紅書: https://www.xiaohongshu.com/user/profile/5b230759e8ac2b524de93a5eBeautyExchange: http://www.beautyexchange.com.hk/blog/keresawong.l.sESDlife: http://wow.esdlife.com/keresawongWeibo: http://weibo.com/keresawong
