應承左媽咪帶佢去食一盅兩件, 但每朝都唔願早起飲早茶, 記起早前經過MOKO小皇府, 全日都有點心供應, 今晚就同媽咪去嘆返餐。 餐廳設大部份卡位, 坐得舒服, 除左點心, 仲有多款小炒, 粥粉麵飯都有, 款式多多, 【小皇府鮮蝦餃（2件）】HK$22蝦餃脹卜卜, 皮厚薄剛好, 蝦肉餡料鮮甜彈牙, 足料好味!! 【蟹皇滑燒賣（4件）】HK$40皮薄, 蝦肉跟豬肉餡料各佔半, 鮮味juicy, 蝦肉彈牙 【台式脆蝦腸粉】HK$38腸粉皮包住脆蝦, 一咬落去, 中層炸皮還是脆脆的, 包住爽口蝦肉, 食落有層次, 點少少甜豉油提升味道。 【紅燒BB鴿】HK$68/隻BB鴿雖炸皮不是脆脆的果種, 但肉嫩多汁, 味道唔錯。 【海鮮酸辣羹】HK$45有豆腐絲、蝦仔、帶子粒、紅椒絲, 酸酸辣辣, 辣度偏高, 惹味開胃 【粟米蟹肉羮】HK$45粟米、蟹肉份量多, 整體鹹左少少 【小皇府鮮蝦雲吞麵】HK$52麵質彈牙, 大地魚湯清甜, 有淡淡韮菜香, 雲吞皮薄又足料, 蝦肉餡料鮮甜彈牙, 一碗有5粒, 正!點擊圖片放大 【和牛牛丸麵】HK$56牛丸質地有如牛肉球, 軟腍腍的, 配上清甜大地魚湯底+彈牙麵質, 同樣不錯。 茶位$10/位.小皇府旺角太子道西193號MOKO新世紀廣場2樓205號舖星期一至日: 10:30 - 22:30.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/小紅書: https://www.xiaohongshu.com/user/profile/5b230759e8ac2b524de93a5eBeautyExchange: http://www.beautyexchange.com.hk/blog/keresawong.l.sESDlife: http://wow.esdlife.com/keresawongWeibo: http://weibo.com/keresawong
