炑八已經出左新春韓烤套餐, 雖然未到新年, 但套餐所包含嘅韓烤食材, 款款都岩哂我地心水, 令我倆有興趣食返餐。 集團式炑八, 店內裝修都為統一風格, 而呢間店設於地庫, 面積相比其他店細, 但同樣整潔。 先送上多款韓式前菜、爐邊蛋、芝士粟米、柚子沙律, 所有都係無限潻加(除了柚子沙律) 我地揀左CHEER UP! 2021 燒肉套餐 HK$488 包括有特級牛肋骨 + 雞爽肉 + 秘製韓豬五花 + 貝身肉 + 大紅蝦 + 梅花肉 + 大八爪魚, 仲有韓式豬手(半份) 點擊圖片放大 韓式豬手味道偏淡, 皮帶少少煙韌, 點韓式醬再包生菜食, 正好平衡一下食緊濃味又熱辣辣烤肉。 大八爪魚果然超大隻, 灘開可以佈滿整個網面, 八爪魚好爽, 富有八爪魚原汁原味。 大紅蝦只有一隻, 不過預先開邊, 較易熟, 食到蝦嘅鮮甜, 口感爽 特級牛肋骨 超長, 灘開比爐面更長, 再剪段燒, 肉質林, 甜甜地 雞爽肉被切成條狀, 質地嫩, 表面烤至金黃有少少焦香, 正!! 秘製韓豬五花為薄切, 避免左厚切煙韌口感同埋油膩 貝身肉 牛脂分佈平均, 烤後迫出牛脂, 入口很嫩 新年套餐就連午市都有供應, 每樣試D, 兩個人食夠哂飽~ . 炑八韓烤 全線分店 ************************************************ 平台參考: Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong
