寒冷天氣生效, 晚市禁堂食, 唯有lunch去打個邊爐, 放肆食兼暖下胃啦! 同事介紹灣仔新開左一間一人一鍋任飲任食火鍋放題, 尤其下午時段, 價錢比晚市更抵~ 新開關係, 人流唔多, 地方環境都很整潔光鮮。 午市分別有3款肉類任食套餐選擇, 同時更有單點午市套餐。 我地揀左相對價錢最貴嘅set, 都係每位$248, 其中可以食到澳州m6和牛~ 每人可以自選喜歡嘅湯底(五選一), 我就揀左花膠湯, 朋友揀左牛乳鍋 頭round店方會先送上所有套餐所包嘅肉類上檯, 當然之後可無限添加啦～ 餐廳內設自助區, 分別有醬油區、飲品區、丸類、韓國雪條、湯、白飯 點擊圖片放大 飲品除左罐裝韓式飲品, 仲有餐廳自行調製飲品, 味道偏淡, 唔係死甜之作 食物很快上檯, 先講湯底, 唔可以話足料, 但呷一啖, 味道確實超正! (打完邊爐都唔會覺得口渴, 唔係味精湯) 花膠湯: 味道清甜滋潤養顏, 特別岩女士們選擇 牛乳鍋: 口感香滑, 牛乳味香濃 所有肉類都很新鮮, 色澤嫩紅, 均為薄切, 焯幾秒就食得, 岩哂放題可以把握時間食多幾件 呢個套餐主打嘅澳州m6和牛, 牛脂分佈平均, 肉質鮮嫩 另一最討好就係極上安格斯牛小排, 牛脂網紋分佈平均, 鮮嫩又有肉香, 又唔會太漏食到成口油, 值得encore! 點擊圖片放大 +2 除左牛, 仲有兩款豚肉, 色澤粉嫩, 日本黑豚腩肉相對更嫩 部分火鍋配料都係click order紙落單, 上檯幾快, 而且冇漏單 鴨血彈滑; 牛柏葉很爽 羅宋湯味道濃郁, 質地偏杰 最後食埋甜品---多款韓國雪條, 超滿足！！！ 晚市價錢會貴少少, 可以食埋刺身、海鮮等等....有機會得晚市恢復, 再黎去試試! ************************************************ 最想吃 All I Wana Eat 灣仔灣仔道83號3樓 星期一至日: 17:00 - 00:00; 11:30 - 15:00 ************************************************ 平台參考: Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong
