一向中意食和牛嘅我, 係網上得知銅鑼灣有間放題餐廳, 主打任食多款唔同部位嘅日本A4和牛, 另有刺身、海鮮等等... 環境燈光昏暗, 再加上餐廳以黑色做主調, 營造到走高檔路線嘅感覺, 放題價錢唔包任飲, 我地order左d野飲菠蘿汁 HK$38巨峰提子梳打 HK$28 QR code落order, 野食都幾快上檯, 枝豆表面有些少鹽, 入口bi豆時, 食到表面少少鹽吊味泡菜豆腐: 豆腐好滑, 入口溶化, 泡菜辣辣地好開胃中華海蜇: 海蜇好爽口, 不過味道偏鹹 刺身質素唔錯, 對比其他放題黎講, 呢度算係幾高質 山葵漬螺片: 螺片鮮甜唔硬, 有些少嗆口嘅wasabi令整體味道更加鮮帶子: 肥美鮮甜甜蝦: 鮮甜, 冇腥鰹魚: 有d乾身, 味道微酸三文魚: 有魚香, 而且厚切, 超正! 食左三款壽司,鰻魚壽司: 鰻魚好林, 如果多返d燒汁會更好柚子醬油和牛壽司: 和牛偏乾身, 而且有根, 有d趙口明太子醬帶子灸燒壽司: 帶子表面微微火灸, keep到刺身質地, 鮮甜中還有面層微辣明太子醬點驟 海鮮方面, 試左蠔、蝦、扇貝, 蠔有盤仔裝住, 預先加左d調味落去, 容易控制到唔會燒過龍變得乾身扇貝不是雪藏貨, 食到鮮甜味不過蝦就唔太新鮮, 蝦殼跟蝦身相連, 似乎係死蝦 牛油雜菌: 雜菌索左牛油, 牛油份量可能過多, 食落太鹹三文魚茶漬飯: 加入左唔少三文魚碎, 個飯索左個茶漬, 有如粥仔質地, 味道清甜 前胸肉: 牛脂相對多, 燒後迫出大量脂肪, 油香味很重上小排肉: 牛脂分佈平均, 肉質鮮嫩偏林腹脅: 牛脂偏少, 帶上少咬口, 食落冇咁油點擊圖片放大 最後食埋雪糕, perfect! 平時食放題都唔會抱太大期望係質素方面, 但呢間放題質素的確超越唔少烤肉放題, 而且要讚一下服務方面, 雖然人手有不足, 但都服務很盡力, 而且有禮。************************************************燒鬼銅鑼灣駱克道459-461號The L. Square9樓星期一至日: 12:00 - 22:00公眾假期/前夕: 12:00 - 22:00************************************************平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/小紅書: https://www.xiaohongshu.com/user/profile/5b230759e8ac2b524de93a5eBeautyExchange: http://www.beautyexchange.com.hk/blog/keresawong.l.sESDlife: http://wow.esdlife.com/keresawongWeibo: http://weibo.com/keresawong
