唔少食肆進駐康城新商場, 今晚就同家人去左食呢間京菜餐廳, 雖然平日晚, 晚飯時段都坐滿食客, 新開就咁多人幫襯, 更令人期待。點擊圖片放大 晚市入座每位茶芥 $12/位,雖然係中菜廳, 亦提供一系列調酒選擇, 我地唔飲酒, 就order左兩杯mocktail, 一杯係清新果茶, 另一杯係碟豆花, 配上重口味既京菜, 確實perfect match! 揀左幾款menu上標籤為推介款式試試【京滬酥香烤鴨 （例）】HK$368全隻烤鴨配有8款配料, 即燒烤鴨已被去骨片皮佈好上碟, 皮烤至金黃, 而且已將皮下脂肪片走, 店方建議將蒜蓉夾住鴨髀食, 果然更提升烤鴨香酥味, 正! 熱辣辣餅皮以蒸紙做分隔, 唔會痴埋重疊, 而每片餅皮都很透薄, 包住烤鴨跟配料一齊入口, 都唔會覺得厚實, 配料夾集充滿油香味嘅烤鴨, 有助平衡油膩感。 多塊皮下仲有唔少鴨肉, 肉質嫩, 又keep到肉汁; 配料上備有山渣, 有助即時消消濟~ 【招牌小籠包】HK$68小籠包外皮厚薄剛好, 入面充滿熱辣辣湯汁, 一咬爆汁, 餡料juicy, 有陣陣肉香, 整體鮮味多汁, 推介!點擊圖片放大 【京滬擔擔麵】HK$68擔擔麵用上上海麵, 麵質軟硬剛好, 微微地辣, 有淡淡花生醬味得黎又唔會好漏, 兼有些少肉碎間中增添入口肉香。 【老北京炸醬麵】HK68對比擔擔麵, 呢款味道比較淡, 個汁足夠令整體成個麵濕潤, 有唔少肉碎, 味道近似食台式鹵肉咁。 【擂沙湯丸】HK$38熱辣辣湯丸表面被黃豆粉平均包住, 一咬軟糯, 入面有濃郁芝麻湧出, 整體唔會太甜, 正~ ************************************************京滬佳餚將軍澳康城路1號The LOHAS3樓333號舖星期一至日: 11:00 - 22:00************************************************平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/小紅書: https://www.xiaohongshu.com/user/profile/5b230759e8ac2b524de93a5eBeautyExchange: http://www.beautyexchange.com.hk/blog/keresawong.l.sESDlife: http://wow.esdlife.com/keresawongWeibo: http://weibo.com/keresawong
