銅鑼灣V-Point其中一間火鍋店"酒鍋", 無論食物質素, 環境氣氛都走高檔路線, 近窗邊可以遠望維港。點擊圖片放大 湯底款款有特式, 近期新推出左【抗疫先鋒】HK$288一次過滿足四款湯底, 四款湯底都以養生為主, 補氣、滋潤養顏、驅風散寒, 提升抵抗力, 每款湯底都很足料。 杏汁白肺木瓜雪耳湯: 味道清甜, 飲落喉嚨感覺清潤 蕃茄洋蔥紅蘿蔔豬展湯: 同樣清甜, 多了一份清新蕃茄香 胡椒豬肚花膠黃金雞鍋: 雞件好滑, 豬肚爽彈, 有淡淡胡椒香, 唔食得辣既朋友話有d微辣 四川麻辣湯: 辣度濃郁過癮, 就算加湯後, 亦冇掉淡辣度 【頂級安格斯牛小排 (小)】HK$188牛小排以垂掛式上檯, 底部有冰粒涼住, 牛小排色澤嫩紅, 牛脂比例較少, 食落唔會滿口油同太漏。 【黃金炸魚皮】HK$68即叫即炸, 非常香脆, 啖啖充滿濃郁鹹蛋黃味, 但食到底, 油左少少。 【即炸手工紫菜嚮鈴卷】HK$58每件都大大卷, 很有層次, 中心卷住紫菜同樣香脆, 浸湯底一秒食, 表面吸到湯汁味道, 內容還是有層次的香脆, 仲有淡淡豆香。 【黑松露蝦蟹餃】HK$60餃皮又滑又薄, 餡料鮮甜, 有原隻爽口鮮甜蝦肉, 不過可能湯底味道偏濃, 所以覆蓋左松露味 【鴨血】HK$68質地又滑又林, 配麻辣湯底, good fit~ 【7星報喜】HK$88賣相有吸引而且有特色, 包括有7款丸類, 粟米、芋子蓉、青豆、黑松露、士多啤梨、甘筍、栗子。 但建議唔好落濃郁湯底煮, 否則會覆蓋本身味道。 粟米丸keep到粟米粒, 有層次; 芋子蓉丸, 有很重香芋味; 另外order左蔬菜類食, 【蔬菜併盤】HK$68【什菌併盤】HK$58 飲品就order左兩款, 以燈泡樽裝住, 味道清甜, 邊打邊爐邊飲涼茶下火, 岩哂!【竹蔗茅根】HK$28【檸檬薏米水】HK$28 醬料: $22/位 ************************************************酒鍋銅鑼灣登龍街18號V Point 27樓星期一至四: 12:00 - 23:45; 00:00 - 01:00星期五至六: 12:00 - 23:45; 00:00 - 02:00星期日: 12:00 - 23:45; 00:00 - 01:00公眾假期、前夕: 12:00 - 23:45; 00:00 - 02:00************************************************平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/小紅書: https://www.xiaohongshu.com/user/profile/5b230759e8ac2b524de93a5eBeautyExchange: http://www.beautyexchange.com.hk/blog/keresawong.l.sESDlife: http://wow.esdlife.com/keresawongWeibo: http://weibo.com/keresawong
