鰂魚涌小皇府, 供應點心、燒味、中式小炒, 晚市茶位$9/位, 全日免加一, 價錢合理。 因為颱風關係, 當晚存貨不多, 沒有供應燒味, 還好點心款式多, 足夠我地一家食餐飽。點擊圖片放大 食一盅兩件, 蝦餃、燒賣都不可缺少。【小皇府鮮蝦餃】HK$42賣相脹卜卜, 晶瑩剔透, 皮薄足料, 塞滿鮮甜爽口蝦肉, 非常推介!! 【帶子魔鬼魚餃】HK$38餃狀呈魔鬼魚形, 同樣皮薄, 入面都是鮮甜爽口蝦肉, 但唔太食到有帶子, 反而口感同味道如同蝦餃一樣。 【蟹皇滑燒賣】HK$40充滿豬肉香, 豬肉質地唔鞋口, 不過所謂蟹皇就只有面層點驟果一點, 所以食唔出蟹皇既甘香, 但對比其他店既燒賣, 確實呢度味道取勝! 【XO醬蒸鳳爪】HK$28鳳爪入味夠林, 很有XO醬豉汁味 【鵪鶉蛋燒賣】HK$33鵪鶉蛋連同蛋黃都是軟滑, 燒賣中有唔少鮮甜爽口蝦肉, 口感同味道都很讚~ 【鮮竹牛肉球】HK$30外表好似有D乾身, 但咬落去中心位還是keep到原本既肉汁, 濃郁牛肉香, 不是加得太多粉死實實果種口感。 【薑蔥牛柏葉】HK$30牛柏葉熟得剛剛好, 爽脆彈牙, 冇縮水, 夾集薑蔥食, 淡淡香口。 【手撕雞春卷】HK$32即叫即炸, 炸皮卜卜脆, 入面有雞肉還有菇菌蔬菜絲, 層次豐富, 又食到雞肉香味。 【黃金沙律蝦】HK$38炸皮乾身不油膩, 極為香脆, 不過炸皮似乎厚左d, 唔太食到炸皮包住既蝦。 【雪山菠蘿叉燒包】 HK$38整個包很鬆軟, 面層雪山甜甜地, 如果焗得脆一點會更好, 入面有甜甜叉燒餡料、叉燒汁醬同埋少少菠蘿肉, 不過菠蘿林而且微甜, 味道主要還是甜甜叉燒味最為突出。 【叻叻豬流沙包】HK$33賣相可愛, 熱辣辣時撕開, 流沙湧出, 流沙效果明顯, 鬆軟既包包住濃郁鹹蛋黃香, 正~點擊圖片放大 【鳳爪排骨煲仔飯】HK$48飯粒粒粒分明, 加上了甜豉油, 味道傳統, 排骨份量多, 而且夠林, 如果有埋香脆飯焦會更好。 ************************************************小皇府 (惠安苑)鰂魚涌華蘭路12A-C號惠安苑地下星期一至日: 08:00 - 21:30************************************************平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/小紅書: https://www.xiaohongshu.com/user/profile/5b230759e8ac2b524de93a5eBeautyExchange: http://www.beautyexchange.com.hk/blog/keresawong.l.sESDlife: http://wow.esdlife.com/keresawongWeibo: http://weibo.com/keresawong
