尖沙咀一間火鍋店以宮廷做主題, 今晚一家人去食返餐!餐廳內佈置有如小型宮廷一樣, 卡位以宮殿名命名, 地方整潔, 座位舒適,更可以免費試穿宮廷服飾拍照留念。 送上混醬盤, 乾淨企理 看看menu, 火鍋配料選擇多, 更有少熟熟食供應。 湯底勁多選擇, 雖然價錢偏貴, 但款款有特色, 而且食過就知好足料! 揀左養顏既【花膠雞湯鍋 (半隻)】HK$298金黃色湯底跟雞件分開上檯, 先試湯底, 味道濃郁, 偏鹹左少少, 正好balance之後再加清湯打邊爐。雞件已有8成熟, 稍為焯一陣就食得, 雞皮金黃, 沒有肥油層, 肉質鮮嫩, 配上幾件頗為大塊既花膠, 質地有如豬皮咁爽, 但膠質既黏性唔多豐富。 牛魔王當然想試多D唔多款既牛, 揀左【鐵扇公主牛魔王三拼盤 (細)】HK$398一次過食到安格斯牛肉粒、牛肉片、牛胸尖、牛舌等... 每款牛色澤鮮嫩, 冇雪氣;安格斯牛肉粒有咬口, 牛肉片脂肪分佈平均, 對比牛肉粒, 牛肉片更嫩更林, 至於牛胸尖口感超爽, 牛脂豐富。一次過嘆到咁多款牛, 滿足到喜歡食牛既我地。點擊圖片放大 【鳳尾蝦雲吞】HK$78 (4隻)形狀跟傳統雲吞不同, 包成餃狀, 表面冇水氣, 似乎係即叫即包, 皮薄, 有少少豬肉餡+原隻爽口鮮甜既蝦, 足料! 【蟹黃餃】HK$78 (4粒)脹卜卜, 同樣冇水氣, 皮薄, 餡料呈鮮橙食, 味道甘甜帶鮮。 【手打鵝肝墨魚丸】HK$68 (4粒)手打丸很有誠意, 大大粒, 很墜手, 墨魚丸幾彈牙, 中心有鵝肝做餡料, 增加一點肝香味。 【鵪鶉蛋豬肉丸】HK$68 (4粒)豬肉丸幾彈牙, 食到豬肉既鮮肉味, 配上鵪鶉蛋, 多一份蛋香 【脆鯇腩片】HK88很有鮮魚味, 而且質地非常札實爽口, 特別係魚皮位, 爽彈無比。 ************************************************香香宮煮尖沙咀加拿芬道16號金輝大廈1樓星期一至五: 12:00 - 02:00星期六至日: 17:00 - 02:00************************************************【FOLLOW ME】Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/小紅書: https://www.xiaohongshu.com/user/profile/5b230759e8ac2b524de93a5ePixnet: http://keresa.pixnet.net/blogBeautyExchange: http://www.beautyexchange.com.hk/blog/keresawong.l.sESDlife: http://wow.esdlife.com/keresawongWeibo: http://weibo.com/keresawong************************************************合作/邀請：keresa820@hotmail.com************************************************
