灣仔新開一間樓上舖餐廳, 獨賣一款牛扒套餐, 每位HK$298 main course 品嚐 8oz 1855黑安格斯肉眼牛扒套餐, 吸引左愛食牛既我今晚前去一試~ 餐廳面積不大, 入座時正正餐廳剛開門, 天還未轉黑, 自然光從窗口透入, 環境舒服, 入夜後, 環境燈光轉成昏暗, 形造了浪漫氣氛, 係呢個氣氛下食西餐, 果然good fit!! 落order時自選牛扒生熟度+配搭醬汁, 分別有洋蔥汁、黑椒牛油同埋餐廳自家制辣醬。 套餐不包括飲品, 需要額外order。餐廳供應不少含酒精飲品, 唔飲酒既我, 就order左杯【Pineapple juice】HK$29 Juice由罐裝飲品倒出, 勝在夠冰凍, 剛剛坐落飲, 可以解下悶熱都唔錯~ 先送上餐包, 餐包係餐廳自家製, 餐包開邊且輕輕烘至金黃微脆, 包入面還是軟熟 伴有半溶肉桂牛油同埋鹽, 餐包搽左少少肉桂牛油入口, 食到黎自肉桂既少少甜, 如果食慣重口味, 再額外加少少鹽, 味道會再重一點。 沙律菜配脆麵包粒、蛋黃醬、1/4隻軟滑溫泉蛋, 味道清新, 正好品嚐Main course牛扒前, 清新一下口腔。 Main course 8oz 1855黑安格斯肉眼牛扒上檯, size有手掌般大, 不是厚切, order左medium, 第一刀切開, 果然生熟比例剛剛好, 肉質軟腍, 肉汁豐富, 而醬汁我揀左餐廳自家制辣醬, 微微地辣, 令牛扒味道更加昇華, 勁好味!!! 薯條任食, 即叫即炸, 保証脆口, 但因為薯條偏幼, 中心位薯肉比例少, 雖然脆, 但薯條食到一半時放涼後, 質地硬左少少。 不過任食薯條, 能滿足到胃口大既朋友。 餐廳大膽只售一款牛套餐, 而且剛開業, 都能吸引唔少人幫襯。餐廳環境氣氛浪漫, 價錢唔貴又食得飽, 同朋友慶祝生日都係個唔錯選擇!! 餐廳大膽只售一款牛套餐, 而且剛開業, 都能吸引唔少人幫襯。餐廳環境氣氛浪漫, 價錢唔貴又食得飽, 同朋友慶祝生日都係個唔錯選擇!! ************************************************ Moo Moo's 灣仔軒尼詩道239號18樓 星期一至日: 12:00 - 14:30; 17:00 - 21:30 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
