韓國過江龍人氣漢堡扒專門店原來已經登陸尖沙咀, 之前去韓國旅行錯過了, 宜家係香港都可以潮聖喇。 店內設有四張長檯, 相連多個吸煙既小煙囪。所以店內就算坐滿食客, 都唔會煙霧瀰漫。 主打六款不同調味配搭既和牛漢堡, 和牛標榜經低溫配送系統從澳州送抵, 能增加新鮮度。 自選大中小份量, 而每個SET都跟沙律菜、配菜、味噌湯同埋白飯。不過套餐就唔包飲品, 需要額外散叫。另有二人套餐, 價錢相對更抵! 我就揀左【芝士蛋蒜和牛漢堡扒】(L) HK$124 鐵板連熱石熱辣辣上檯, 拳頭般大size既和牛漢堡扒放於煎蛋上, 再灑上芝士碎、蔥粒、蒜片。 和牛漢堡扒色澤粉嫩, 每次分出一小啖, 放係旁邊小熱石上, 壓平每邊煎3秒就食得。 熱石對準抽煙口, 釋出油煙好快被抽走。一小口既和牛漢堡扒煎3秒後, 表面呈金黃, 整體keep至5成熟, 入口香口帶淡淡牛味, 係煎既過程中會滲出多餘油脂, 所以食落不會過於油膩。 雖然芝士溶於漢堡扒上, 不過芝士味不會太出。夾集煎蛋、蔥粒、蒜片食, 極為香口惹味!! 基本上, 唔洗再額外調味, 已經很正!!! 點擊圖片放大 +2 熱石溫度大約可以維持15mins左右, 當熱石溫度減退, 可以請店員協助更換, 繼續品嚐美味和牛漢堡扒~ 親身體驗煎熱石和牛漢堡扒, 自己控制生熟度, 和牛質素亦唔錯, 價錢相對韓國差不多, 會bookmark下次再Encorn!! 每晚6點後設加一服務費 ************************************************ 福岡漢堡扒 尖沙咀厚福街11號地舖 星期一至日: 11:30 - 23:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
