Home office接近兩個月, 下星期就正式返回工作崗位, 回復5天working day。Enjoy最後寫意既一個週末, 今日又同朋友食返餐一聚! 大半年前, 去過銅鑼灣虎鐵食鐵板燒Dinner, 印象唔錯, 今日就同朋友去食鐵板燒Lunch。 Lunch時段餐廳內鐵板位都幾旺, 幸好提前book檯預約。 Lunch-set由每位$198起, 我就揀左【虎蝦特選D餐】HK$498/位 先送上沙律, 蕃茄切食蝴蝶狀, 很有心思, 酸尾尾沙律菜加上甜甜蕃茄, 很開胃。 再送上鴨肝蒸蛋, 蒸蛋很滑, 入口即溶兼有淡淡清甜蛋香, 有細少鴨肝於清甜中帶出一點濃, 味道唔錯 鐵板燒正式開始! 南非鮑魚size有掌心般大, 鮑魚質地很爽很滑, 食到鮑魚原汁原味, 鐵板燒過程中加入左鹽同牛油調味, 令味道重一點, 伴有黏黏的山葵汁用以中和調味, 還有三文魚籽增加魚油香。 師傅將原隻虎蝦在鐵板上剝殼, 未食已經滿足了視覺, 虎蝦超級爽口, 配有忌廉醬, 多一份滑滑口感+忌廉香 肉類呢方面可三選一, 我就揀左澳州牛柳, 5成熟 牛柳牛脂不多, 所以入口不會太油, 富有肉香, 可以點少少海鹽食吊味, 夾脆蒜片食, 非常香口 味噌湯中有海帶、香蔥, 味道清甜, 食埋湯料就更有層次 和牛炒飯 飯粒粒粒分明, 有層次, 不過和牛切得太細, 份量亦唔多, 所以唔太食得出加左和牛, 但係炒得幾有穫氣 最後甜品/咖啡, 二選一, 我就揀左甜品---柚子雪糕, 酸酸甜甜, 有少少柚子幼粒, 很清新 ************************************************ 虎鐵鐵板燒 銅鑼灣軒尼詩道525號澳門逸園中心12樓 星期一至日: 12:00 - 15:00; 18:00 - 23:00 公眾假期: 12:00 - 15:00; 18:00 - 23:00 公眾假期前夕: 12:00 - 15:00; 18:00 - 23:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
