本身唔係住係現崇山, 很少機會踏足呢頭, 黃大仙中心食肆都偏向集團式多, 一場黎到就行下附近尋實。果然去到現崇山商場第一間, 就有間茶餐廳2.0, 名字很有趣, 望入去環境裝修比起一般茶餐廳整潔得多, 設室外同室內座位, 細看門外餐牌, 款式不少, 價錢亦合理, 於是就決定入內DINNER! 主菜可另加$10轉SET, 跟餐湯同埋飲品, 如果想轉特飲, 可享特飲價錢減$10 餐湯揀左西蘭花忌廉湯, 忌廉味突出, 口感幼滑 【三色芝士焗肉醬意粉】HK$78 賣相已經超級邪惡, 芝士同埋肉醬份量多, 撈埋一齊食, 個汁都好杰, 啖啖都食到芝士同肉醬, 微酸又惹味! 正!! 【龍蝦湯海鮮泡飯】HK$98 龍蝦湯於石鍋中熱辣辣上檯, 熱得仲滾下滾下, 另上一碗脆米飯, 加入湯中, 令脆米飯慢慢索左個湯既精華。 鍋中有多隻海蝦, 雖然蝦殼賣相不算討好, 但蝦肉鮮甜彈牙; 當脆米飯索左個湯之後, 飯都唔會一pat pat, 每粒米飯都充滿龍蝦湯鮮甜味, 當中有大量莞茜+薑粒調味, 令人一試愛上, 值得推介!! 我地兩個主菜都分別轉左特飲 芒椰派對: 味道甜甜地, 芒果味較為突出, 有淡淡椰香, 入口香滑 白牛: 7喜加左雲呢拿雪糕球, 保留左茶餐廳傳統味道 另一特色就係呢度既雞蛋仔, 甜品類既雞蛋仔只供外賣, 但堂食亦有三款選擇 【千層三文魚雞蛋仔】HK$68 同樣即叫即整, 雞蛋仔烘得好香脆, 面層有芝士外, 以兩塊煙三文魚卷成花狀, 原來千島醬中層都仲有大量煙三文魚碎, 非常足料! 果然茶餐廳2.0令我對茶餐廳睇法改觀, 而且全日免加一, 抵食!! 絕對要BOOKMARK下次再黎!! ************************************************ 茶餐廳2.0 黃大仙睦鄰街8號現崇山商場地下G1-G2號舖 星期一至日: 07:30 - 22:30 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
