今晚同朋友gathering揀左兆萬中心食韓國炸雞, 係兆萬多間食肆中, 呢間餐廳格局都幾闊落, 而且整潔。 記得約大半年前黎, 食過棉花糖炸雞, 別具特色, 一心今晚可以再encorn!! 可惜, 原來呢款已經暫停供應, 唯有試其他款啦! 呢度既炸雞同烤雞款式都幾多選擇, 好彩我地人多, 可以Share齊齊食。 我地揀左個【半半烤雞】HK$158 自選兩款口味, 揀左蜜味芝士粉、香蔥。一共有8件無骨雞~ 原來仲跟埋唔少薯條, 份量都幾大盤。 第一次食呢度既烤雞, 比預期中好食, keep到肉汁, 外皮帶些少脆~ 加左蜜味芝士粉既烤雞, 味道甜甜地, 芝士味就唔算突出; 而夾集香蔥食, 更食到烤雞既焦香, 同時亦多一份蔥香味。 【麥芽啤酒蝦】HK$128 啤酒蝦炸後油份唔算太多, 炸皮薄而脆口, 沒有啤酒苦澀味, 有淡淡既啤酒麥味, 隻蝦都幾爽口。 點埋甜酸醬食, 更加開胃, 底下仲有唔少炸薯角。 【醬油魚介湯鍋】HK$198 有火爐慢慢興住, 個湯好清甜, 不同形狀魚糕一串串串好, 食既時候好方便。魚糕鮮甜兼索左個湯底, 味道真係同韓國當地餐廳既差不多。 再有一個烏冬, 增加飽肚, 份量都幾多, 岩3-4人share食。 【鮮椰奶沙冰】HK$58 椰香味突出, 唔會過甜~ 【香芋沙冰】HK$58 有陣陣香芋味, 沙冰打得幼滑, 口感滑, 飲到最底味道都冇轉淡, 唔錯! 【Oreo 朱古力雪冰】HK$78 冰有淡淡牛奶味, 冰打得幼細, 入口即溶。表面灑上Oreo粉同埋一個cookie味雪糕球, 推介中意食Oreo既朋友試試! ************************************************ Yadllie Plate 旺角西洋菜街1號兆萬中心11樓 星期一至日: 17:00 - 00:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
