同朋友聚會當然想搵間坐得舒服少少, 價錢唔太貴, 又可以食得飽既餐廳。醒起銅鑼灣有間火鍋店, HK$198全包, 免加一、醬油, 仲有得食埋海鮮+粥底, 咁抵當然大家都樂意一試。 餐廳設於上層, 人流大概8點左右就幾乎坐滿9成, 地方闊落。 呢度除左打邊爐, 仲有小炒選擇。如果打邊爐, 食呢個套餐就最化算喇! 每位都係HK$198咋!!! 自選5款海鮮、8款火鍋配料 自由混醬 首先以米水做打邊爐湯底, 清清地, 自選二人份量海鮮拼盤上檯, 肉蟹切件依然併回原狀, 非常吸晴! 每張檯都有海鮮建議烚煮時間, 唔擔心怕烚過龍~ 每款海鮮都很鮮甜, 蟹肉札實, 唔係死蟹水汪汪既質素。 鮑魚爽口彈牙, 多寶魚很滑, 但注意有很多細骨。 至於火鍋配料, 質素不算高質, 亦唔會太差 肥牛嫩紅, 烚幾下入口, 質地幾嫩 黃金墨魚燒 入面有墨魚幼粒, 有鮮甜味 竹笙極易索湯, 完全食到湯底既米香清甜 墨魚丸非餐廳自家製手打, 雖然粉多, 唔多彈牙, 但總食到甜甜地墨魚味 另外我地仲散叫左兩款火鍋配料 (散叫項雖額外加一) 【豬腩片】HK$38 非常薄切, 烚幾下就食得! 質地幾嫩, 不會起渣。 【鯇魚腩】HK$48 沒有腥味, 但質地太林, 幾乎一夾就散開。 食完火鍋配料, 待應送上粥底米飯同埋配料, 加入湯底中再等一陣就食得, 粥底很棉, 食到清清地既鮮甜味, 加上左配料, 增加口感層次 最後還送上是日糖水, 飽到捧住個肚走。 ************************************************ 達順辣蟹火鍋 銅鑼灣駱克道391號金禧大廈地下及一樓 星期一至日: 12:00 - 15:00; 17:00 - 02:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
