每次經過金馬倫道既十和田, 總令人對佢地既日本料理回味無窮, 今晚同朋友係附近shopping, 正好係晚飯時間, 就決定去十和田食餐好既! 平日晚7點, 店內已經座無虛席, 還好只等左陣就安排入座。 以手機掃QR Code落單, 食物款式都分類好, 每款食物更有圖片參考, 非常清晰。 每次黎我都定必Order 三文魚: 【三文魚刺身】HK$48 超級厚切, 單看三文魚魚紋已知質素唔錯, 入口充滿魚油香, 口感同味道都一流! 【三文魚三味壽司】HK$38 相隔大約半年左右, 原來十和田既壽司飯轉用左有味飯取代白米醋飯, 飯質比較黏一點。 三文魚三味分別為火灸、Wasabi、薑蓉, 調味份量較少, 所以整件壽司放入口, 要仔細細味先會食出分別。 以薑蓉做配搭有微微薑味, 少少唱口; 火灸三文魚有微微焦香。 【墨魚鬚壽司】HK$18 墨魚鬚超爽脆, 有少少類似燒汁吊味 【蟹膏軍艦】HK$28 雖然軍艦紫菜上檯已經唔脆, 但蟹膏味濃郁甘甜, 配上梳梳鮮甜蟹肉, 搶返唔少分數。 【香蔥吞拿魚腩丼】HK$118 好足料!! 粉嫩吞拿魚腩蓉整整將飯完全覆蓋, 吞拿魚腩充滿魚香味, 口感軟棉, 混入香蔥, 增添香口。飯質黏得黎唔會一pat pat, 吞拿魚腩比飯量多, 真係啖啖都食到吞拿魚腩, 勁正!! 【海鹽雪糕】HK$18 充滿奶香, 帶少少鹹, 唔會過甜, 仲有幾粒蒟蒻食下~ 質素保持, 款式多, 價錢合理, 有機會絕對會再encorn! ************************************************ 十和田總本店 尖沙咀金馬倫道42號華懋金馬倫中心地下 星期一至日: 11:30 - 16:30; 17:30 - 23:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
