係香港食鐵板燒一向偏貴, 係同事口中得知尖沙咀一間樓上舖, 中午時間有鐵板燒lunch set, 平均三百蚊有找。呢個價錢絕對滿足到我既心癮。今日放假就同朋友一試! 店內有兩個鐵板位, 面積不大, 但地方整潔。 Lunch-set 價錢主要視乎主菜款式, 至於前菜、沙律等等每個餐都係一樣~ 我就揀左【大蝦、銀鱈魚配芝士春卷】HK$248 侍應先送上沙律菜+螺肉, 師傅期間準備食材, 馬上表演廚藝! Lunch-set 包一罐汽水 芝士春卷於鐵板上煎至香脆, 內裡芝士雖不是拉絲, 更不是流心, 但芝士味幾出 銀鱈魚表面香煎至香口, 魚質很滑, 配上他他醬同埋油浸蕃茄乾, 味道更加提升 主菜既大蝦先由師傅熟練既技巧, 用剷將蝦殼去除, 再開邊香煎, 稍作調味, 賣相別緻, 蝦肉札實彈牙, 味道鮮甜, 旁邊點驟既蕃茄辣汁, 味道似泰式辣醬, 更加惹味。 炒飯多種配料顯得很有層次, 質地濕潤, 有穫氣。 炒雜菜: 味道清清地, 正好平均一下口腔味道 味噌湯 有大大隻清甜蜆, 個湯清甜~ 最後送上鹽味雪糕, 甜甜地帶些少鹹, 奶味突出, 好味得黎出面好少見。 服務殷勤有禮, 很主動為我地加茶、換碟, 感覺到餐廳用心經營。 ************************************************ 心鉄板燒 尖沙咀亞士厘道17-19號18樓 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
