早前食過佐敦七福神和食亭, 正好同事們搞飯聚, 建議下今晚又再次去七福神食正野! 餐廳環境唔算好大, 但乾淨企理。 如果一大班朋友想暢所欲談, 可以預先Book位, 設有VIP房, 多少少私隱度。 七福神和食亭當然主打日本料理, 刺身、壽司、炸物、丼飯、串燒等等...款式多多, 價錢亦很合理。寫no. Click紙仔點餐, 慢慢揀唔怕落錯單。 【青蘋果雲妮拿奶昔】HK$44 奶昔極為幼滑, 青蘋果跟雲妮拿味很平均, 奶味很重, 青蘋果果甜中帶微酸, 整體唔會太甜。 【三文魚腩】HK$68 超厚切三文魚腩, 極之慷慨, 魚油很澎湃, 超正! 【芥末八爪魚壽司】HK$22 軍艦紫菜上檯即食還是脆的, 八爪魚碎粒份量不少, 配上芥末, 有少少攻鼻, 過癮又好食 【油甘魚壽司】HK$32 油甘魚頗為厚切, 油甘魚帶甘香 【金龍蝦反卷】HK$46 飯卷包住吉列蝦, 脆脆炸皮包住鮮甜爽口既蝦, 口感豐富 【雞軟骨粒】HK$38 外皮炸得乾身, 一d都唔油膩, 軟骨位爽脆, 口感一流~ 【海老天婦羅】HK$75 炸皮很薄而且鬆脆, 入面隻蝦鮮甜爽口, 推介! 【雞翼串】HK$38 雞翼外皮有炭燒香味, 香脆可口, 內裡keep到些少肉汁。 【焗肉醬茄子手打烏冬】HK$58 芝士肉醬份量多, 足以令每條烏冬沾到甜甜酸酸既醬汁, 烏冬軟硬剛剛好。仲有隻流心蛋, 撈埋一齊食, 肉醬更黏。茄子偏林, 能吸取肉醬醬汁。 點擊圖片放大 每次黎我都一定order呢款甜品先夠完美! 【菠蘿雪芭】HK$50 雪芭藏於原個迷你菠蘿中, 慢慢刮出雪芭, 入口即溶, 甜甜地帶微酸, 正好為食完豐富晚餐後消消濟。 ************************************************ 七福神和食亭 佐敦彌敦道311-313號1樓 星期一至日: 11:30 - 15:30; 17:30 - 22:30 公眾假期: 11:30 - 15:30; 17:30 - 22:30 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
