放假同朋友gathering, 最好當然係圍埋一齊打邊爐! 係網上搵到呢間火鍋店評價唔錯, 而且近油麻地地鐵站, 交通都幾方便。 餐廳內地方企理, 有唔少大檯, 岩哂一大班朋友gathering圍埋一齊烚下烚下... 點擊圖片放大 既有特色湯底, 更有滋潤湯底選擇, 就算雙併湯底, 價錢都唔洗一百, 抵啊!!! 【海底椰濃豬骨湯底拼潮州湯】HK$79 兩款湯底同樣清甜, 海底椰濃豬骨湯中有少量豬肉+雪耳, 清甜潤喉; 潮州湯有大量紫菜跟肉碎, 清甜之餘更多一份紫菜香~ 單是湯底已經很足料, 有誠意。 【手切牛頸脊】HK238 色澤嫩紅, 非常新鮮, 牛脂分佈平均, 開邊依然有少少厚度, 熟後入口嫩滑, 唔錯! 【鱔片】HK$88 開邊已去骨鱔片都幾大片, 但質地偏林, 鮮甜不太明顯 【自制四寶丸】HK$83 呢度既手打丸確實出色, 想食齊咁多款, 四寶丸就齊哂! 包括有牛丸、蝦丸、墨魚丸、鯪魚丸，其中推介蝦丸, 質地彈牙之外, 更包含蝦粒, 盡顯鮮甜。 【鮮蝦雲吞(半份)】HK$32 很欣賞呢度既雲吞, 表面沒有水氣, 似乎係即叫即包。而且每粒雲吞中都有原隻蝦身, 鮮甜味十足! 推介~ 蔬菜類揀左【栗米】HK$38 除左火鍋配料, 仲有少量熟食, 揀左其中一款【炸蝦餅 (配甜酸醬)】HK$98 蝦餅炸得金黃, 表面微脆不會太油膩, 質地帶點彈牙, 還看到些少蝦粒, 鮮甜啊! 點甜酸醬食, 味道更加提升! 醬油 HK$16/位 ************************************************ 滾得棧 油麻地砵蘭街39-41號順好樓地下A-B號舖 星期一至日: 17:30 - 02:30 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
