雖然話打邊爐無分季節, 但天氣一轉涼, 打邊爐心癮特別旺, 食埋麻辣火鍋暖胃就最正!! 但妹妹唔食辣, 所以一人一鍋揀返自己喜愛既湯底就perfect喇! 旺角白布街新開左間一人一鍋, 地方面積雖細, 但一人一鍋套餐算係幾豐富。 三款套餐選擇, 自選湯底、麵類, 再跟罐裝汽水, 更可加錢轉特飲~ 另外更有多款散叫火鍋配料。 無醬油收費, 可以自由混醬 我就揀左最貴果款【極品安格斯肥牛海鮮鍋】HK$198 個鍋設計很有中國特色, 用火槍燃點蠟做燃燒, 再放入湯底鍋, 湯底就揀左台式古早沙爹麻辣鍋: 沙爹味突出, 辣辣地, 惹味又開胃 套餐火鍋配料以三層式整齊排好上檯, 每款配料唔多, 點到即止, 肥牛色澤鮮紅, 肉質鮮嫩, 脆鯇魚片細細片, 魚皮位幾爽 生蠔很肥美, 蝦只有一隻, 鮮甜, 肉質札實 最底層為蔬菜類同埋自選既烏冬, 烏冬為幼身, 容易索左個湯底, 辣辣地幾惹味~ 另外加左$12轉飲腐竹雞蛋糖水沙冰, 沙冰飲到最尾, 味道都冇轉淡, 甜甜地, 有淡淡蛋香同豆味, 很推介!! 而朋友就揀左【極品安格斯肥牛滑雞手工餃子鍋】HK$158 湯底: 蜂巢豆腐白湯鍋, 味道甘甘地, 有少少參味 雞件冇骨, 幾嫩滑 水餃同餃子表面冇水氣, 皮薄飽滿, 很足料 另外我地再散叫左【手打蝦滑】HK$29 幾彈牙, 而且有爽口蝦粒, 但嫌份量太少, 有D貴~ 不過要一讚呢度加湯, 都係會加返對應既湯底, 唔擔心湯底味道轉淡.... 唔錯!! ************************************************ 獨‧火鍋撚 旺角白布街2-24號藝興大廈地下14號舖 星期一至日: 17:30 - 03:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
