天氣急降, 最好食返D熱辣辣野食。今晚同朋友係東港城行街, 經過見到間餐廳門外有唔少人等位, 原來係間主打煲仔飯既餐廳, 正好今晚一試! 主打煲仔飯, 當然款式較多, 亦有少量小食供應。但整體款式唔多~冇咩選擇! 點擊圖片放大 +2 【蝦多士】HK$33 賣相令立立, 充滿油光, 但蝦隱藏得完全看不見, 還意為夾心, 一咬落之下, D油滲出, 中間位只是麵包, 有如白麵包放入油炸, 吸滿油入口。完全沒有蝦味, 應改名叫"油炸麵包"! 對小食極度失望, 唯有期望係招牌菜煲仔飯啦! 落單後都要等15mins左右, 算是即叫即整, 上檯都是熱辣辣出煙, 但就冇沙沙聲。檯面有甜豉油自己加, 但味道極淡, 落勁多先有少少甜味~ 【溫泉蛋牛肉煲仔飯】HK$72 溫泉蛋中蛋汁湧出, 牛肉有根而且肉味偏淡, 有飯焦生成, 但飯焦不是焦燶脆卜卜, 反而是煙韌硬到趙到牙都軟! 點擊圖片放大 【海南雞煲仔飯】HK$78 個飯完全同圖片兩回事, 飯不是黃油飯, 只是普通白飯, 海南雞無骨, 皮跟肉比例幾乎相等, 雞肉碎得似雞絲。 【鮑魚雞煲仔飯】HK$98 相比以上兩款, 呢款賣相相對好得多, 雞件幾滑, 肉比例較多, 有兩粒鮑魚仔, 甜甜地。 加埋一平均都要一百蚊一個煲仔飯, 份量唔多, 味道亦一般, 完全唔值! 試一次絕對唔會返轉頭! ************************************************ 砂煲兄弟 將軍澳重華路8號東港城1樓101號舖 星期一至日: 08:00 - 22:30 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
