銅鑼灣澳門逸園中心, 每層都有唔同特色美食, 價錢貴少少, 但質素都係偏高, 同朋友慶祝生日都唔會失禮。每層餐廳面積不大, 建議預先BOOK位, 免得久等。 今日就去左19/F一間主打浜燒既日本餐廳, 店內燈光柔和, 很有居酒屋氣氛, 其中一面位置有職員負責處理浜燒。 先上一道前菜: 【野菜條沙律伴鯷魚醬】HK$34 爽脆蔬菜條點上濃郁鯷魚醬, 醬雖然偏鹹, 但配上清新蔬菜條, 味道balance, 而且出面較少食到鯷魚醬, 前菜黎講都幾有特色 【伊佐目刺身】HK$328 師傅刀功了得, 每片切得平均, 伊佐目帶微微甘香, 有些少根位帶出爽口, 有魚鮮味。 【鹽燒牛小排】HK$228 看似有D乾, 肉質不是很嫩那種, 入口帶些少肉汁, 表面有少少鹽吊味, 就咁食其實已經不錯, 但可以試試配搭兩款醬料一齊食, 喜歡食重口味可以點法國芥末, 而我就較喜歡點味噌, 帶微微既辣, 惹味... 全晚焦點當然係浜燒海鮮! 【活鮑魚燒】HK$98 浜燒鮑魚配上柚子醬, 鮑魚口感唔會太硬太乾, keep到原汁原味, 燒既過程加左鹽, 令味道更加提升。但個人認為點柚子醬食, 味道沒有預期既清新, 反而唔點醬食仲正! 【虎蝦浜燒】HK$148 蝦肉爽口札實, 少少鹽帶有鮮甜味, 唔會太乾 【龍蝦濱燒】HK$588 龍蝦面上加左麵豉, 面層被火槍再燒過, 令半溶麵豉附於面層同時唔會令龍蝦肉咁乾。 龍蝦肉keep到原汁原味, 麵豉唔會完全cover哂龍蝦肉鮮甜味, 麵豉份量掌握得很好! 仲有龍蝦二食 【燒龍蝦頭SET - 粥】HK$100 雖然龍蝦頭已經冇哂肉, 但個粥底好杰好鮮甜, 加左蛋同埋蔥粒, 當中食到些少蝦粒, 鮮甜中亦不失口感。 ************************************************ 磯野水產 銅鑼灣軒尼詩道525號澳門逸園中心19樓 星期一至日: 12:00 - 15:00; 17:30 - 23:00 公眾假期: 12:00 - 15:00; 17:30 - 23:00 公眾假期前夕: 12:00 - 15:00; 17:30 - 23:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
