"蘭桂坊"對於唔好酒既我幾乎係一個禁地, 如果唔係朋友豪爽請客, 我都唔知原來蘭桂坊有間超高質既日本居酒屋, 食過令我讚口不絕, 驚喜又好食! 呢間餐廳格調富有日本居酒屋風格, 有唔少外國人幫襯, 一邊為壽司吧檯, 另一邊設有酒吧, 不但提供日本料理, 更有調酒飲品供應。 正好餐廳介紹呢個新推出Menu, 朋友亦很有興趣一試, 【TUNA SALAD】HK$255 上檯時看似沒什麼特別既一款沙律菜, 原來片片吞拿魚整齊地佈於最底, 整碟沙律酸尾尾, 愈食愈開胃, 另配有一碟番茄片, 清甜可口~ 集1990至2020每十年既人氣Signature壽司, 每啖都食到美味回憶。 【ROCK AND ROLL COMBO】HK$180 (回味指數: ★★★★★) 1990 Rainbow roll: 可謂卷物始祖, 卷物包住甜蛋、蟹柳, 面層佈上魚生片 2000 Spicy tuna roll: 微辣吞拿魚配上自家秘製醬汁 2000 Spicy salmon tempura roll: 微辣三文魚配蛋黃醬, 面層再有牛油果, 口感棉棉 2010 Spicy crunch roll: 壽司飯表面被炸至脆脆的而不油膩, 微辣吞拿魚蓉夾集左脆脆, 層次豐富 2020 New Dynamite roll: 卷住既天婦羅炸蝦依然很脆, 隻蝦仲幾爽, 表面有蟹籽增加口感層次 2020 Fresh tuna sashimi roll: 吞拿魚卷住牛油果, 配搭簡單更易食到吞拿魚魚香 【SPICY TORO TARTAR】HK$295 (回味指數: ★★★★★) 以生菜取代紫菜, 多了一份清新。軟棉棉既拖羅中夾集些少脆片, 口感有層次, 除左有陣陣魚香, 仲有微微辣度, 勁正! 【BEEF GOMA FUMI】HK$255 (回味指數: ★★★★★) 表面有微炭燒香, 芝麻醬汁甜甜地, 牛肉富有豐富肉汁, 肉味很濃, 配上旁邊既沙律, 可以平均一下口腔中既濃郁味。 【KELP-GRILLED SEABASS】HK$265 (回味指數: ★★★★★) 鱸魚質地超嫩滑, 表面佈上一層蛋黃醬再經火灸, 迫出魚油, 同時亦食到甜甜地既醬汁。 食埋甜品就係完美總結, 甜品併盤有芝麻同埋抹茶味雪糕球、西瓜、蜜瓜同埋酸尾尾既柚子雪葩, 正好為豐富晚餐消消濟。 ************************************************ Tokio Joe 中環蘭桂坊16號 星期一至日: 12:00 - 14:30; 18:30 - 23:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
