市面食蟹真係愈黎愈貴, 閒閒地都要幾百蚊隻, 對於我呢個蟹迷真係好間唔中先捨得食一次! 有同事介紹新蒲崗有間蒸海鮮餐廳, 超級推介呢間既蟹又正又抵食! 價錢唔係海鮮價, 而係明碼實價seafood set~ 餐廳面積不大, 座位唔算闊落, 平日晚已經坐滿8,9成, 所以建議預先book位, 免得久等~ 餐廳主打幾款seafood set, 以每位人頭計算, 老闆娘都好耐心詳細為我地講解推介, 最後我地就揀左HK$398呢個set, 先送上豉油配料 (每位醬油HK$10) 店員先倒入米飯等配料落煲做粥底, 再送上海鮮併盤, 包括有蟶子、蝦、元貝、鮑魚、蠔、龍躉片 海鮮款式會因應每日供貨而有調整, 但店方會以相距不大價錢既海鮮做取締, 整個蒸煮過程, 都會由店員協助, 不用擔心海鮮蒸煮先後次序、蒸煮倒數時間, 爐set左計時器, 所以更唔擔心會蒸過龍 蝦都幾大隻, 幾爽口鮮甜, 唔會痴殼 元貝再額外點少少豉油帶出鮮味 蟶子肥美爽口冇沙 鮑魚內臟而被去掉, 清潔做得唔錯! 鮑魚都幾厚身, 食到原汁原味, 爽口彈牙 龍躉片質地滑, 好易碎, 但都有鮮味 蠔 看似肥美, 但個人唔太好蠔, 就比左朋友食, 但佢話食到少少腥 因為menu上第二項既海鮮當日沒有供應, 店方就以原條東星斑取締, 質地好嫩滑, 鮮魚甜味, 唔腥 全晚重點主角終於黎喇!!! 我地揀左膏蟹, 呢個set係每人半隻, 再加半隻龍蝦, 膏蟹開邊, 蟹膏豐富得超澎湃, 蒸後蟹膏為實淨, 充滿蛋黃香, 蟹膏佈滿了蟹蓋內側, 就連蟹身都幾乎佔了半隻, 超邪惡!!! 蟹肉同樣札實, 唔係水汪汪既死蟹, 真係令人讚口不絕!!! 龍蝦同樣多膏, 而龍蝦膏呈半固體狀態, 味道甘甜, 龍蝦肉質鮮甜彈牙, 夠哂新鮮!!! 蔬菜籃 - 清甜, 特別係粟米... 最後就到粥底環節, 店員額外再加上蔥、莞茜同埋甜菜莆, 攪均就食得 粥底唔可以話超鮮甜, 但莞茜香配粥, 確實唔錯, 加上爽脆甜甜地既菜莆粒增加口感層次, 唔錯!!! 四人以上會再送是日甜品, 今晚真係食到飽飽, 滿足!!! ************************************************ 蟹仙海鮮蒸氣鍋 新蒲崗仁愛街50號地舖 星期一至日: 11:00 - 00:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
