月頭去過荃灣食過一鍋堂, 食物質素唔錯, 食過返尋味, 上網一search, 原來旺角都有一鍋堂, 對我地九龍人黎講, 地點就更加就腳。電話book定檯, 今晚就同朋友食餐好既! 一打開lift門, 人頭湧湧, 真係好彩有book位可以順利安排入座, 順帶一提, 呢度如果提早交檯食90mins, 係會有discount的! 呢度比起荃灣店面積細左d, 但同樣整潔。 野飲以罐裝汽水為主, 都有酒精飲品供應 沙盤沙律前菜同埋蔬菜都係自取 火鍋配料就以手機掃QR code落單, 食物都黎得幾快, 又幾齊 (雖然餐廳人多, 都冇損上檯速度) 我地揀左莞茜皮蛋同埋冬蔭功湯底 (二人相併另加$50) 莞茜皮蛋湯底味道較清, 而我比較中意食d酸酸辣辣既湯底, 特別開胃! 特別任食之下就最岩! 任點通常都唔會輸蝕, 一開始通常都勁order, 張檯唔大, 但火鍋配料可以高高疊起, 一層層食~ 肉類均為薄切, 牛肉色澤嫩紅, 質地幾嫩; 豬肉粉嫩, 同樣嫩滑 魚類有脆鯇片、脆鯇骨腩、鱔片 脆鯇骨腩好爽, 但鱔片就偏林, 可能因為太薄切 魷魚、牛柏葉: 非常爽口 蟶子仔: 鮮甜, 分配既份量都唔少~ 花膠: 帶少少膠質, 同埋都幾大片幾厚 蜆: 幾鮮甜, 而且冇沙 8爪魚: 原隻上, 都幾爽 仲有蟹柳同一d丸類, 當然唔少得手打丸啦! 不過蟹柳就唔係荃灣店既特長蟹柳, 有少少分別啦! 當然唔少得打邊爐一定會定既爆醬丸啦! 連獅子狗入面都有芝士。 海蝦每隻都串好, 肉質札實鮮甜 另有 芝士腸、豆腐、芋絲 等等... 點擊圖片放大 甜品方面可以係甜品櫃向職員拎 亦有軟雪糕+配料任加, 是日味道似乎係豆腐味, 正啊!!! 款式選擇多, 當晚上檯夠快, 又冇漏ORDER, 係任食黎講, 確實難得, 唔怪得有咁多人幫襯!! 抵! ************************************************ 一鍋堂 旺角豉油街104號Loft by20 2/F 東翼 星期一至日: 17:00 - 02:30 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
