間中同屋企人都會去下傳統中式酒樓食晚飯, 今晚去左離旺角鬧市都有一段距離既新華苑酒家, 地點唔算太方便, 地鐵站行去都要8分鐘左右, 如果唔係之前經過見到門外張貼優惠詳情, 其實都唔知呢度有間酒樓。 點擊圖片放大 呢度有各款中式小菜, 仲有蒸海鮮任飲任食放題, 可以食足2.5小時! 今晚就決定食海鮮啦! 汽水啤酒任飲 設自助醬料區 自選粥底: 揀左排骨南瓜粥, 蒸煮前先灌入粥底 自選四款海鮮: 我地揀左元貝、鮑魚、蟶子、龍躉片 蒸煮過程都由侍應協助, 等同食殘廢餐一樣~~ 果然海鮮每款都很鮮甜! 元貝: 加左蒜蓉, 更能帶出鮮甜味, 有少少粉絲放底, 索左個蒜蓉汁, 正! 鮑魚: 已被去走內臟, 質地彈牙 蟶子: 最有驚喜! 大大隻, 鮮甜爽口, 同樣加左少少蒜蓉, 食落更加鮮~ 龍躉片: 魚質札實而且嫩滑 小食: 乳鴿 (每位半隻)+蜆 乳鴿皮香脆, keep到些少肉汁 蜆冇沙, 鮮甜~ 第三PART就係任食, 款式唔算多, 大多為蔬菜為主, 肉類同丸類款式較少 和牛粒、和牛肉: 質素當然不會是入口即溶既高級貨, 但總算肉味重, 可接受既質素 粟米清甜 雞件切得太細, 熟左之後, 每件都唔太食到肉 馬拉糕質地軟熟 丸類就試左牛丸同蝦丸, 牛丸味道很差, 味道怪怪地, 口感過於實 蝦丸較為出色, 彈牙得黎, 當中仲有蝦粒~ 最後對粥底較為失望, 冇味!! 清得有如滾水一般, 最後放棄冇食就走人~ 鄰座見到有客食緊芝士龍蝦麵, 望到都流口水, 有機會再黎試下小菜先! ************************************************ 新華苑酒家 旺角旺角道1號旺角道壹號商業中心1樓 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
