每次經過呢條街, 總被"牛繁"所吸引, 呢間係日本過江龍既烤肉店, 正好今晚我倆就入去邊食邊傾! 每張檯都放有一小個烤爐, 烤爐之上除了有一個抽煙煙囪, 煙囪額外加配了一個罩, 除左可以令燒烤散出既煙集中被抽外, 亦能避免到燒既時候唔會彈到自己。 牛繁 主打牛, 當然牛既款式較多, 亦有豚肉、雞肉選擇, 除烤肉外, 都有沙律、小食、飯類等等.. 【壺漬牛肋條】HK$108 壺中放左兩件牛肋條, 牛肋條醃得好入味, 而且夠林, 夾集淋左少少汁既香蔥一齊食, 甜甜地又帶香口, 而且冇筋連帶。 點擊圖片放大 +3 【蔥燒鹽香牛舌】HK$98 薄切牛舌淋左少少汁, 燒既時候唔會令牛舌太乾, 夾住香蔥食, match! 【極上牛板腱厚切和牛板腱排】HK$198 牛板腱既牛脂分佈幾平均, 肉比牛脂多, 所以入口唔會成口油, 肉味幾重, 肉質都幾嫩。 【雞軟骨 （日本雞三角）】HK$68 平時食雞軟骨都係一粒粒, 第一次見雞軟骨係三角, 真係好少機會係其他餐廳見到。 軟骨爽脆唔會太硬, 質地似豬耳既軟骨, 唔怕硬到咬傷d牙, 正!! LIKE & SHARE 餐廳Facebook page, 仲送澳洲和牛里脊肉一客, 雖然表面有薄薄雪氣, 但烤後入口, 味道又唔錯, 牛味較出, 仲要免費!!! 著數!!! ************************************************ 牛繁 尖沙咀金巴利道40號MW Plaza地舖 星期一至日: 12:00 - 16:00; 17:00 - 23:30 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
