食日本菜尤其刺身, 真係要搵間企理又衛生, 最緊要有信譽先好食。在網上搵到間評價幾高既日本料理餐廳, 正好同友人食餐日本菜, 預祝佢生日! 店內唔算大, 但企理兼有和風裝修, 平日晚人流唔算旺, 正好同友人慢慢暢談慢慢嘆! 想食最新鮮既刺身食材, 當然要order Omakase, 店員指刺身每日新鮮運港, 咁一定要order試試! 【Omakase壽司併盤】HK$428 當晚Omakase分別有五款壽司, 包括活帆立貝、池魚、鹿兒島A4和牛、藍鰭吞拿魚、鮟康魚肝 單看賣相, 已經見到其新鮮度! 活帆立貝: 超級肥美鮮甜, 帆立貝雖然開邊, 但份量足以蓋過整件壽司飯 池魚: 鮮味回甘, 肉質爽彈 鹿兒島A4和牛: 和牛略帶微爽, 表面微微火灸過迫出少量牛脂, 帶點焦香味 鮟康魚肝: 味道甘香 【蔥花海膽大飯卷】HK$88 飯卷上既吞拿魚蓉同埋海膽份量澎湃, 將紫菜包住食, 外脆內軟, 吞拿魚蓉口感軟棉棉, 魚香味十足, 海膽更是入口即溶, 甘甜~正!! 【龍蝦粥】HK$268 粥底質地杰身, 開邊龍蝦雖然唔太大隻, 但肉質爽彈, 唔係死龍蝦質素, 粥底中加入左粒粒卜卜脆蟹籽, 增加左口感層次, 整體味道鮮甜, 個粥有兩個飯碗份量, 兩個人食剛剛好~ 仲有個gas爐興住, 不過要注意小心痴底~ 點擊圖片放大 【白桃梳打】HK$38 梳打夠汽, 飲到有少少桃碎, 整體唔會過甜 ************************************************ Moshi Moshi 尖沙咀金巴利道35號金巴利中心地下B舖 星期一至日: 12:00 - 15:30; 17:30 - 23:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s She.com: https://blog.she.com/keresawongls/ ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
