唔知點解每次影証件相都總係唔滿意, 但偏偏証件相係要長期keep幾年, 除左証件上有私隱資料唔想比人睇到, 其二一定係自己張相! 新一代香港智能身份証由2018年年底已經開始陸續以出生年份輪住換領, 而我正正就係新一代香港智能身份証既 “白老鼠” !!!! 基本係網上暫未有人出文分享, 腦海中存在好多問號, 特別係影身份証張相係咩程序? 頭髮要札起唔可以遮面? 就等我同大家分享一下! 假設你心目中已經有一個特定換証日子, 建議你係當日起計前三十天, download手機Apps填妥資料預約, 每節時間相距15分鐘, 愈快預約, 時間選擇比較多。 於手機download以下Apps 完成打開apps → 按"全港市民換領身分證計劃及預約" → 根據步驟指示輸入個人資料 每位換証者都可以額外帶同兩位65歲/以上長者一齊換証啊! (當然係同一時間填寫預約) 自選換証地址、日期、時間 全港換證中心一覽 服務時間:周一至六8am-10pm(周日及公眾假期休息) 灣仔 港灣道6-8號瑞安中心2樓200號室 觀塘 偉業街223-231號宏利金融中心2樓1號室宏利金融中心A座3樓1B號 旺角 登打士街56號家樂坊12樓 荃灣 德士古道50號荃薈2樓S201號鋪 沙田 安群街3號京瑞廣場一期地下及1樓 上水 龍琛路48號上水匯7樓 屯門 良景邨良景廣場L4樓 元朗 西菁街23號富達廣場地下50號舖 將軍澳 唐賢街23號帝景灣地下20-26號舖 完成預約後電郵確認通知, 亦可自設提示於換証前三天收到SMS reminder 換証當日建議於預約時間提前15分鐘到達換証地點 我就選擇左地點最為方便既旺角換證中心 揀左平日收工時間19:30辦理換証手續 未知係因為平日時間, 還是已到指定出生年份換証既最後日子, 站內人流極為稀疏 門口已站著幾位穿上制服既職員主動提供協助, 踏入門口地下亦清楚貼上指示 Step 1: 簽到拎籌 以手機apps預約的話, 只需打開apps按最底既”通知欄", 會顯示一個QR code, 再到Step 1呢部機掃一下print出籌就OK! 掃唔到code/walkin亦可以直接到櫃位出示身份証拎籌 Step 2: 到自助登記區進行登記 指示亦非常清晰, 基本上大部份資料已填寫好, 只要對返個人資料有冇更新, 打上左加姆指模, 再按確認就完成! 最後會print出一張紙 手上準備好呢張紙、舊身份証、籌, 等待中央咪嗌no.就可以入去準備影相囉 Step 3: 身分證拍照 入到去, 職員會再次跟你核實個人資料, 無誤後簽名, 再幫你check埋現有身分證有否登記過澳門自助出入境功能, 新既身分證無需再次登記, 簽上授權書, 領証後三個工作天就可以如常繼續使用喇! 相機旁有一個電腦Mon可以即時睇相, 亦有提供鏡子比我地整理儀容 唔少人一定最concern究竟個樣點先可以影得冇咁醜樣 身分證相片小Tips: 不一定要露耳仔, 但兩邊頭髮不可過份遮面 頭髮前陰一定不可遮眉/接觸眉毛 如果你係包包面又唔想影出黎好似發水麵包, 建議你set個高髻/將前端頭髮稍為抓鬆, 令面形錯覺地拉長 微微笑容, 避免眼位魚尾紋出現 眉毛不可太深色, 似終身分証上既係黑白照, 唔想變小新眉就要注意啊!! 對身分證相片有要求, 我有問過職員, 究竟可以影幾多張比我揀 職員友善答覆: 冇限, 影到你滿意為止! 每次都會影兩張, 再比你揀, 不滿意就再影兩張, 如此類推, 結果我最後前後影左四張, 了解到其實點影, 位置都是一樣, 影幾多張, 其實分別不太大 電腦Mon每次顯示兩張彩色相片大概有2R size般大, 但職員提示重點其實睇旁邊直接轉成黑白照 (只有5毫子般大size), 自選相片確認後, 就會比返封領証信你, 可以再自選之後邊個換領站拎新証, 新証會係當日起計約10天就有得拎喇! 領証期限: 30日 簡單快捷既換証程序, 頭尾只花了20分鐘, 比預期中快! ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s She.com: https://blog.she.com/keresawongls/ ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請:keresa820@hotmail.com ************************************************