同事介紹尖沙咀有間pancake質素有如日本當地, 好姊妹就快生日, 又喜歡食pancake, 正好相約佢食餐生日飯~ 餐廳面積不大, 裝修簡約整潔 Menu上有中日對照, 每款都標註食物成份, 夠哂清晰! 點擊圖片放大 提供丼飯、烏冬、Pancake, 款式唔算多, 不過款款都包括由日本食材所製。 【和王牛漢堡丼】HK$158 嫌丼飯份量太少, 唔多夠食! 丼飯呈淺紅色, 米香味突出, 和牛漢堡扒厚厚的, keep到肉汁, 肉味幾重, 有隻生雞蛋黃, 撈埋一齊食, 蛋汁令個飯較黏口。 【芝士醬配日本士多啤梨】HK$138 Pancake賣相精緻, 六件掌心般size既Pancake疊起, 質地鬆軟, 有淡淡蛋香味, 淋上較挺身而口感很滑既芝士醬, 芝士醬不算太濃郁, 跟pancake確實perfect match, 伴碟既日本士多啤梨, 甜甜的, 係一個睇得又食得既甜品, 正~ 【抹茶梳打】HK$42 有汽梳打加入了抹茶, 茶香很重, 梳打很夠汽 【蜜檸薑】HK$38 熱飲, 朋友話飲落好似飲緊港式薑醋 不得不讚呢度既軟雪糕, 的確好滑!! 雪糕以豆乳取代牛奶所製, 味道與別不同, 豆香味突出! 【美人軟雪糕】HK$38 以白米製成既甘酒所製, 甘酒不含酒精, 食落又淡淡飯香, 很有特色! 【咖啡京茶軟雪糕】HK$38 味道很濃郁, 甘香京茶加上濃郁咖啡, 味道近似齋啡, 喜歡飲咖啡既朋友不可錯過! ************************************************ 蜜庵本膳 尖沙咀赫德道8號地下A號舖 星期一至日: 12:00 - 22:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s She.com: https://blog.she.com/keresawongls/ ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請:keresa820@hotmail.com ************************************************