平時我好少食Fusion菜, 最怕又貴又食唔飽, 配搭騎呢, 但最近食左間位於尖沙咀--- 夜梟 食物質素、中西合壁創新配搭, 真係有驚喜! 價錢唔算太貴, 大大碟, 非常滿足! 人氣之選【燒乳豬配芥末汁】HK$238 乳豬即叫即燒, 外表有碳燒香, 非常香脆! 乳豬只有薄薄肥油層, 肉質juicy, 個人認為唔點芥末汁, 原汁原味已經好好食! 【煙肉忌廉汁刀削麵】HK$118 西式忌廉汁混入中式刀削麵, 比起平時食闊條面更有口感, 刀削麵很creamy, 大大碟, 抵食~ 【煎米粉配肉醬】HK$128 肉醬意為食得多, 呢個配搭都係第一次食! 米粉壓食Pizza狀, 再香煎, 令表面香口脆卜卜, 淋上肉醬, 甜中帶微, Pizza狀中心位依然keep到米粉本身既口感, 唔會太乾, 正! 不過趁熱食, 脆位林左會開始有d韌 就連甜品都好特別!! 【鬼馬油炸鬼(香辣朱古力油炸鬼)】HK$58 西式油炸鬼質地好鬆軟, 稍為大力少少吉都會斷! 朱古力用小火興住, 油炸鬼點上朱古力食, 甜甜地又辣辣地, 唔會太辣, 只係口中維持幾秒, 好過癮~ 夜梟 Fusion菜配搭有驚喜, 呢餐所點既都好好食, 第一次食Fusion菜係可以飽同埋冇中伏!!! ************************************************ 夜梟 尖沙咀金巴利道40號MW Plaza 3-5樓 星期一至四: 12:00 - 14:30; 18:00 - 02:00 星期五: 12:00 - 14:30; 18:00 - 04:00 星期六: 18:00 - 04:00 星期日: 18:00 - 02:00 公眾假期: 18:00 - 02:00 公眾假期前夕: 18:00 - 04:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s She.com: https://blog.she.com/keresawongls/ ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請:keresa820@hotmail.com ************************************************