熨烤達人---特色係其中一款烤肉, 係以燙斗形磚頭輔助黎燒, 與別不同既烤肉方式絕對要一試! 平日晚六點多, 人流唔算多, 正門以一比一人形金仔作生招牌, 餐廳整潔, 環境不會太油煙~ 晚市只要散叫三款以上既烤肉類, 就可以無限量添加爐邊蛋配菜 【磚頭五花肉】HK$138 手掌般大既五花肉放於鐵板上, 再用燙斗形既磚頭平均壓住, 令整件五花肉可以平均貼著鐵板, 平均受熱。 店員很細心協助, 兩邊橫切面烤至金黃後, 再切成一件件再燒, 最後將醬料放上加熱, 點少少醬料包生菜食, 減少一點油膩, 五花肉脂肪層肥瘦間斷, 正~ 【牛肩胛肉】HK$88 肉質鮮嫩, 牛脂分佈平均, 稍為燒幾秒, keep到少少血水入口, 更能食出原汁原味, 嫩滑~~ 【翠肉瓜】HK$28 翠肉瓜切片, 清甜, 帶微爽脆 除左烤物, 呢度仲有唔少熟食選擇~ 【韓牛炭燒半熟】HK$108 牛肉邊位已熟, 雖然唔太食得出炭燒香, 牛肉亦唔係有血水滲出果種, 但肉味都幾重, 夾埋香蔥同埋洋蔥食, 增加一點唱口感。 【金仔炸雞飯】HK$88 石頭飯熱辣辣上檯, 面層有6件冇骨炸雞, 淋上芝士忌廉, 芝士味較淡, 炸雞質素其實同KFC差不多, 重點在於個飯, 可以食到香脆飯焦 只要like餐廳facebook page, 就可以免費享用不含酒精既指定飲品, 每晚不同, 今晚就免費飲左大大杯既【士多啤梨梳打沙冰】 沙冰打得好幼滑, 大大杯岩哂邊食烤肉邊慢慢飲, 甜甜定又少少酸, 岩哂清濟, 加上韓國7up, 非常有汽, 解渴又透心涼 ************************************************ 熨烤達人 鑽石山龍蟠街3號荷里活廣場3樓320B號舖 星期一至日: 12:00 - 22:30 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s She.com: https://blog.she.com/keresawongls/ ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
