臨近年尾, 老闆請食團年飯, 揀左間位於尖沙咀既日本餐廳"上岸料理"。 店內面積不大, 只有幾張檯, 平日入夜時段未見人流, 直到8點多就幾乎坐滿~ 入座後, 侍應隨即送上熱毛巾抹手, 今晚老闆請食飯, 當然由佢發板! 呢間餐廳原來係一間居酒屋, 有日本清酒飲, 更有黎至唔同國家既食材製作美食, 而價錢當然偏高一點~ 先黎一盤【雜錦壽司】HK$600 由廚師發板, 每件壽司都相當精緻, 刺身完全可以覆蓋細細舊壽司飯。 壽司上既刺身幾有份量, 都是厚切, 每啖都有豐富口感~ 帆立貝鮮甜無比, 金目鯛甘香, 吞拿魚不帶根, 而且有豐富魚油~ 而最特別既係呢件葉血引刺身, 個名我都係第一次聽, 呢款魚類唔係周圍可以食到, 比較珍貴。 入口近魚皮位帶爽, 魚肉質地近似油甘魚口感, 同樣甘甘地...上面配有薑蔥, 整體入口帶微微辣, 唔錯! 【吉烈豚肉串】HK$70 豚肉串不會太油膩, 一咬開炸皮薄而鬆脆, 加左少少沙律醬吊味, 豚肉keep到些少肉汁, 旁邊有些少沙律菜, 酸味味... 【蔥吞拿魚腩丼】HK$380 丼飯飯份量較少, 只夠一人份量食, 突顯到吞拿魚蓉夠多, 撈埋一齊食, 令整個飯富有黏性, 啖啖都食到微微魚油香, 加上左香蔥, 增加了香口~ 呢度既服務真的招呼周到, 不停主動為客人加茶, 更細心推介當晚既新鮮食材~ ************************************************ 上岸料理 尖沙咀棉登徑7-9號地下B舖 營業時間: 星期一至日: 12:00 - 15:00; 18:00 - 23:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s She.com: https://blog.she.com/keresawongls/ ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
