食過咁多間日本餐廳, 印象最深既有平靚正---佐敦七福神和食亭。今次舊同學聚會我地又再去呢度食返餐! 雖然係平日放工時間, 餐廳依然好旺, 交通地點又方便, 坐得舒服, 價錢唔貴, 確實難得~ Menu上展示多款美食圖片, 款款非常吸引, 價錢亦唔貴, 叫野食唔洗就住就住傷到荷包。 朋友唔食刺身, 只好揀兩款比自己過過口癮。 【三文魚腩(5切)】HK$68 厚切三文魚腩, 入口很滑, 魚油很豐富, 魚質帶點點爽, 絕對唔係假三文魚! 【帶子(3切)】HK$56 3切帶子, 師傅將帶子開邊成6片, 味道鮮甜冇腥味。 【香蔥三文魚丼】HK$78 見呢度既三文魚唔錯, 於是又叫多左個三文魚丼。 本身縑太細碗, 只有手掌般Size, 但原來d飯壓得幾實, 飯量多, 三文魚切成碎, 混入了香蔥, 加少少豉油, 混合一齊食, 既香口, 又食到啖啖三文魚, 正啊!! 【滑蛋豬扒飯】HK$60 份量更大, 似乎兩個人share都夠食, 炸豬扒上淋上了juicy滑蛋, 一心意為炸豬扒既皮會因而變林, 又出奇地入口還是脆脆的, 豬扒亦keep嫩滑, 滑蛋充滿蛋汁, 撈飯一齊食唔會太寡。 【炸雞軟骨】HK$38 表面一D都唔油膩, 軟骨位很爽脆 【蝦天婦羅】HK$72 同樣表面不油膩, 外皮皮薄鬆脆, 入面隻蝦爽口又鮮甜 另外有幾款雙併套餐選擇, 而且價錢更加實惠, 我地就揀左【魷魚鬚唐揚 + 金龍蝦反卷】HK$75 魷魚鬚香脆, 爽而唔會又硬又乾 金龍蝦反卷 吉列蝦被飯卷住, 整個入口都食到吉列蝦既脆, 配沙律醬確實很match。而且仲有少少蟹籽增加口感 最後Order左個甜品【菠蘿雪葩】HK$50 酸酸甜甜, 夠哂醒胃, 岩哂食完咁豐富既dinner消濟 ************************************************ 七福神和食亭 佐敦彌敦道311-313號1樓 Tel.: 23882302 營業時間: 星期一至五 11:30 - 15:00 17:30 - 23:30 星期六至日 11:30 - 15:30 17:30 - 23:30 公眾假期 11:30 - 15:30 17:30 - 23:30 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s She.com: https://blog.she.com/keresawongls/ ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
