我好中意食PIZZA, 尤其可以拉出長長芝士絲既Pizza, 食過咁多間PIZZA, 唯一最令人印象深刻, 一定係尖沙咀呢間韓國過江龍餐廳, 佢地既PIZZA雖然SIZE唔大, 但可以拉出驚人既芝士瀑布! 今日又同朋友再度幫襯, 餐廳設於地舖, 面積不大, 主SELL韓國菜, PIZZA、韓國便當、魚糕等... 其中必點當然係呢度既PIZZA啦! PIZZA款式不多, 但所有都係可以拉起流出芝士瀑布! 【蒜香雞肉熔岩Pizza】HK$198 Pizza即叫即整, 所以要預多一點時間等待。 Pizza邊位呈扭紋狀, 脤卜卜, 慢慢流出邪惡芝士。一拉起其中一件PIZZA, 可以拉起澎湃的芝士瀑布, 高高的, 真係令人嘩嘩聲啊!!! 要用刀協助先可以夾起件PIZZA放上碟~ PIZZA面有洋蔥絲、欖檻同埋用蒜調味過既雞肉粒, 每一啖都食到很軟棉棉既芝士, 芝士份量絕對足料, 整件PIZZA包括邊位都有芝士ga!!! 加上邊位既麵包鬆軟, 食落唔會令喉嚨乾要狂飲水個種, 整個味道配搭很match! 值得推介!! 【韓式魚糕烏冬】HK$85 魚糕烏冬加入左脆米、紫菜做配料, 湯底甜甜地, 紫菜味很重, 魚糕索左湯底夠哂入味, 烏冬不是煙韌口感, 軟熟滑滑的, 不錯!! 【海鮮煎餅】HK$168 煎餅有少少濕潤, 雖然材料只有魷魚碎同埋菠菜, 但出奇地沒有菠菜既澀味。點上酸中帶微甜既汁食, 香口又惹味, 稍嫌煎餅溫度上檯時只是暖暖的, 如果熱辣辣上檯, 味道一定更好。 ************************************************ Angry Oppa Restaurant & Bar 尖沙咀金巴利道73號地下A舖 Tel.: 28843266 營業時間: 星期一至四: 12:00 - 23:30 星期五至六: 12:00 - 00:00 星期日: 12:00 - 23:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s She.com: https://blog.she.com/keresawongls/ ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
