"食物質素好"總會令人食過返尋味, 事隔一排, 今日又再黎到金馬倫道既十和田。 剛剛入夜, 餐廳未算多人, 唔洗等位就可以直接入座。以iPad落單, 每款食物都有相顯示, 夠哂清晰, 刺身、壽司、丼飯、日式小食等等...款款賣相吸引。 超喜歡三文魚既我, 當然先黎【三文魚刺身】 HK$48 刺身為厚切, 一d都唔姑寒, 微微既三文魚魚油, 魚質唔係煤煤地個種, 正啊! 就連三文魚壽司都可以有三種配搭【三文魚三味壽司】 HK$38 分別為傳統款式、薑蓉同埋火灸。火灸能夠迫出三文魚魚油, 令魚油味更加突出, 表面有少少焦香~ 至於薑蓉配三文魚, 其他餐廳比較少見, 沒有想像中辣到嗆口果種, 反而薑味輕輕帶出子三文魚既魚香, 同樣perfect match! 【三色丼】 HK$168 每次都抵擋不住呢度既吞拿魚蓉, 雖然呢度有吞拿魚蓉壽司軍艦, 但食過三色丼中既吞拿魚蓉之後, 就會知道份量既澎湃! 三色丼分別有吞拿魚蓉丼、海膽丼同埋松葉蟹丼。 吞拿魚蓉丼: 吞拿魚蓉中加入了少計京蔥絲, 入口更加香口, 吞拿魚蓉魚油豐富, 很黏口。份量幾多, 啖啖飯都食到吞拿魚。 海膽丼: 海膽甘甜, 入口即溶, 冇臭腥味 松葉蟹丼: 絲絲既松葉蟹鮮甜, 加上了甘甜蟹膏, 味道甘香可口, 不帶苦澀。 最後Order埋甜品【芝士雪糕】 HK$18 雪糕結實, 微微既芝士鹹味同埋雪糕奶香, 仲有幾粒蒟蒻食下。 ************************************************ 十和田總本店 尖沙咀金馬倫道42號華懋金馬倫中心地下 Tel.: 26688791 營業時間: 星期一至日: 11:30 - 16:30; 17:30 - 23:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s She.com: https://blog.she.com/keresawongls/ ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
