舊同學聚舊, 本打算去尖沙咀酒吧街飲下酒閒聊一下, 但我唔好飲酒, 所以就係附近搵左間既可以飲酒, 又可以食我最愛既日本菜餐廳。餐廳地點唔太顯眼, 似乎大家都是誤打誤撞, 或是慕名而黎 餐廳裝修什有日本車酒屋feel, 地方整潔。 主打浜燒, 更有刺身、壽司選擇。可以散叫, 亦有套餐選擇。 我地就揀左呢款既二人套餐, 同時食到刺身、亦有浜燒~ 當野食未上檯, 餐廳突然送上一盤赤蝦同埋一隻手套, 原來最近做緊個promote, 只要like餐廳facebook專頁, 就可以有一次機會, 一手抓起赤蝦, 抓幾多都是免費送比我地食, 可以揀刺身或是浜燒。 過程有職員在旁監視, 表現很嚴肅, 如果多加一點笑容, 氣氛會好得多! 幸運地我一抓起, 就有8隻赤蝦, 選擇了浜燒。 浜燒有專人負責, 爐頭不是置於每圍食客旁, 但依然可以遠觀看到。 赤蝦浜燒 既蝦肉不是全熟, 而是半生熟, keep到刺身口感, 味道鮮甜唔會有腥, 有得玩又有得食, 正! 套餐係時候上檯: 【河豚魚干】 唔會燒得太乾太硬, keep到少少水份, 甜甜地 【特上刺身拼盤五點】 刺身包括有三文魚腩、甜蝦、帶子、油甘魚、左口魚。油甘魚同埋三文魚腩都係厚切, 甜蝦甘甜, 左口魚味道較淡, 帶子質感有d怪, 咬至中心位口感是實實地。 【漁獲濱燒】 青森殘酷網鮑: 唔會燒得太乾, 口感彈牙, 中心位鮮甜, 邊位有少少澀 北寄貝: 很爽, 有微微既清酒醇味 帆立貝: 加入清酒燒, 令帆立貝味道甘甘地 蟹味噌甲羅燒: 蟹蓋有D細, 而且要兩個人Share, 配上兩件卜卜脆米通, 蟹膏味道唔會太重, 唔會過鹹 山之惠黑松露茸野菌箔燒 松露味最為突出, 不過唔算太重味 自選了【築地海鮮雜炊】 粥底有D稀, 飯粒很棉, 入面有魷魚、帶子, 鮮甜味唔會太出。 最後送上綠茶甜品作完美句號。 店員招呼服務還可, 如果多加一點笑容會顯得親切一點。 ************************************************ 秋田浜燒食堂 尖沙咀天文臺圍8號地下 Tel.: 23162288 營業時間: 星期一至四: 18:00 - 01:00 星期五至六: 18:00 - 02:00 星期日: 18:00 - 01:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s She.com: https://blog.she.com/keresawongls/ ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
