住九龍城都幾方便, 一落樓就有好多食肆, 唔同既菜色選擇。放假就去左九龍城探望剛剛生左BB既朋友, 傾到入夜時份, 朋友就建議落樓一齊食埋飯先走。佢就帶左我去一間格局幾high-class既餐廳---火鍋頭。當然入黎就更係食火鍋啦! 餐廳內有一小魚缸, 放了幾種海產, 原來呢度打邊爐都有得食埋海鮮火鍋! 唔係收海鮮價, 而係一個價錢就食到幾款海鮮既海鮮拼盤, 難得有興致就order試試! 點擊圖片放大 +2 打邊爐當然要先混醬, 醬油每位HK$18 至於湯底款式都幾多, 大部份以滋補養顏湯底為主。見最近天氣乾燥, 所以就Order左一款潤喉湯底【滋潤木瓜雪耳燉湯】HK$128 湯底色水幾清, 有唔少雪耳, 幾件木瓜同埋粟米, 幾足料。未正式打邊爐前可以先飲下個湯, 非常清甜, 整晚打邊爐都唔會係狂飲水果種, 所以唔似係味精湯。 【海鮮拼盤】HK$498 拼盤以冰墊底, 包括有蟶子皇、波士頓龍蝦仔、帶子、特大賴尿蝦同埋貴妃蚌。 上檯時, 賴尿蝦既腳仲郁下郁下, 好生猛! 賴尿蝦好大隻, 幾厚肉! 鮮味十足! 雖然餐廳將波士頓龍蝦仔轉了本地龍蝦, 反而幾欣賞餐廳既老實! 而且龍蝦肉質係鮮甜彈牙, 係新鮮唔係死龍蝦! 同埋海鮮都洗得幾乾淨, 唔會食到有沙。每款海鮮都非常新鮮鮮甜, 配合我地今晚清甜湯底, 更易食到每款海鮮既原汁原味! 【爽脆鯇魚腩】HK$78 鯇魚切成有一定既厚度, 焯熟後, 肉質札實得爽口, 盡顯魚既鮮味! 每次打邊爐都貪心想食多幾款, order多又怕食唔哂, 呢間餐廳就很貼心, 可以選擇雙併! 【招牌手打墨魚丸 併 芥辣墨丸】HK$88 手打丸類款式多, order左兩款menu上人氣既款式。口感彈牙, 墨魚丸中仲有墨魚粒ga! 至於芥辣味就冇想像中既攻鼻, 味道有d澀澀地, 同樣有墨魚粒。 【魚皮餃 併 黑柏葉】HK$58 魚皮餃表面冇水氣, 唔係夾硬沾粉覆蓋水氣果種, 而係即叫即包! 魚皮餃大大隻, 很飽滿, 餃皮厚薄剛好, 入面既肉鮮甜; 而另一邊既黑柏藥, 就稍嫌份量較少, 只有幾片葉。 最後LIKE 餐廳Facebook仲送雪糕。 由湯底至食材都是同樣足料高質, 特別係海鮮非常新鮮, 令人回味無窮!!!物有所值! ************************************************ 火鍋頭 九龍城龍崗道17號地舖及1樓 Tel.: 23823767 營業時間: 星期一至日: 17:30 - 01:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s She.com: https://blog.she.com/keresawongls/ ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
