寶琳新都城開左間日本餐廳, 地鐵站過條馬路就到, 其實只是入夜時份, 餐廳已經全場爆滿~ 門外更排著唔少人等位。 終於入座, 打開餐牌, 一般刺身、壽司、定食、丼飯、鍋物等都有提供... 價錢比起一般集團式日本餐廳稍為再貴少少.... 店內食客大多會order壽司, 應該魚生質素唔錯, 所以我就order左其中一款招牌定食【德美刺身丼】HK$158 配味噌湯+薯仔沙律 刺身包括有熟蝦、三文魚籽、蟹籽、三文魚、吞拿魚、蟹柳、海膽、甜蛋、帆立貝。 刺身排列得整齊, 將整個飯覆蓋了, 熟蝦爽口鮮甜, 魚類刺身均為厚切, 可惜海膽唔太新鮮, 有d腥臭味。 丼飯用左有味既醋飯, 飯質算係軟熟, 撈埋三文魚籽同埋蟹籽食, 間中三文魚籽從口中爆開, 增加了飯中既一點鹹香。 朋友唔太好刺身, 就order左【鍋燒烏冬】HK$67 稻庭烏冬質地滑, 天婦羅蝦炸得好脆, 可惜唔係分開放, 部份浸左湯令到炸皮變林, 但蝦大隻又夠爽口啊~ 另外獅子狗同埋蟹棒吸收左湯底, 食落唔會覺得單調。蛋放於湯底待熱後形成蛋花, 仲有大量蔬菜索左個湯底, 整體清清地幾好食! 最後, 仲有甜品送---芒果醬牛乳, 好滑, 少少甜, 牛乳味突出, 正! Dinner時段餐廳內座無虛席, 但某幾位餐廳侍應眼看有客人招手都扮作不見, 服務有待改善。 ************************************************ 德美壽司 將軍澳貿業路8號新都城中心1期地下99-100號舖 Tel.: 24587928 營業時間: 星期一至五 12:00 - 15:00 18:00 - 23:00 星期六至日 12:00 - 16:00 18:00 - 23:00 公眾假期 12:00 - 16:00 18:00 - 23:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s She.com: https://blog.she.com/keresawongls/ ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請:keresa820@hotmail.com ************************************************