食過咁多間放題, 呢間係唯一一間由開店至今水準同人氣都一樣keep得住掂! 去過既人都知最好都係預先book位, walk in有機會未必順利入座, even book左位, 都要預早到餐廳門外排隊等待準時入座。講真, 每次經過呢間放題, 總排著長長既人龍, 確實係人氣之店! 餐廳座位唔算闊落, 但勝在食物款式多, 而且質素好搭夠~ 食放題第一ROUND絕對要點一大盤刺身滿足下視覺同味覺! 每款刺身都非常新鮮, 而且是厚切! 三文魚爽, 帶魚油香, 間中仲會搭幾件三文魚腩 松葉蟹鮮甜, 不是浸過鹽水迫出鮮味果種 象拔蚌很爽口, 不帶半點腥 壽司款式亦不少, 壽司size比一般壽司店既細, 可以食多幾款都唔怕快飽 海膽軍艦: 海膽鮮甜, 近乎入口即溶, 一d腥味都冇 芝士扇貝: 扇貝唔會焗到乾, 連同沙律醬一齊焗, 味道較濃 咖哩炒蟹: 平時係街市買蟹都至少百幾蚊隻, 呢度竟然有任食!!! 咖哩帶微辣, 而且充滿蛋香味, 雖然不是每隻蟹既肉質都係超實肉, 只是林林地 (不是水汪汪果種) 個汁正到如果唔係放題, 我一定會叫個飯黎撈汁食! 珊湖蚌: 炒得幾有穫氣, 珊湖蚌幾爽, 香菇有些少香油香 榴槤炸蛋: 表面炸得乾身脆口, 入面有明顯既流心榴槤, 杰杰的, 甜甜的, 榴槤香味陣陣散發著, 正啊! 粟米粒: 撈左牛油, 甜甜地 天婦羅蝦: 同樣表面炸得乾身鬆脆, 隻蝦幾鮮甜 串燒蝦: 蝦肉爽口, 唔會痴殼, 表面加左D鹽吊味 串燒牛舌: 唔會太乾, 加左少少黑椒黎吊味, 牛舌略帶咬口, 唔會太韌 燒菠蘿: 稍為有D酸 野飲方面除左罐裝汽水、支裝果汁/烏龍茶任飲外, 仲有好幾款餐廳自己調製既飲品, 例如Fruit punch.... 甜品款式都有好幾款, 但去到尾聲雖然有唔少款式都因為飽到食唔落, 所以去到甜品都只能order少少 牛乳布甸: 超級香滑, 近乎入口即溶, 奶味香濃, 少少甜, 正! 馬卡龍外皮脆, 入面甜甜地...都幾好食! 最後每人仲可以自選一款雪糕做完美句號.... 上檯夠快, 食物質素keep到水準, 服務更是招呼周到, 絕對係值得黎多幾次!!! ************************************************ 極尚大喜屋日本料理 尖沙咀加連威老道2-6號愛賓商業大廈後座1樓102號舖 Tel.: 31881988, 31882882 營業時間: 星期一至日: 12:00 - 15:00; 17:30 - 23:15 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s She.com: https://blog.she.com/keresawongls/ ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
