前排經過旺角, 原來Season Plus係旺角彌敦道開左分店! 較早前去過尖沙咀分店食, 地方唔太易搵, 開係旺角, 交通真係方便得多! 今晚同舊朋友聚會, 地方就腳+有好野食, 呢度就最佳選擇! 旺角Season Plus設於地庫, 門口都很顯眼易搵。地方簡樸整潔。 Season Plus主打即開生蠔, 有套餐, 亦有散叫, 不設開蠔費, 價錢幾抵! 先來兩隻【中碼生蠔】HK$18/隻 生蠔即叫即開, 非常新鮮, 唔會有太重鹹海水味, 蠔味重而不帶腥臭味, 冇帶任何沙粒, 清洗得很乾淨 除左生蠔, 亦有其他冷熱盤海鮮、西餐小食、意大利飯、薄餅等... 【海鮮拼盤】HK$198 有原隻波士頓龍蝦、法式凍熟蝦4隻、加拿大翡翠螺2隻、紐西蘭青口2隻同埋大量韓國花蛤。 一個價錢就可以享用來自唔同國家既海鮮, 豐富又抵食! 波士頓龍蝦: 肉質爽口結實彈牙, 很鮮甜, 蟹鉗位蟹肉偏鹹 加拿大翡翠螺: 爽口彈牙, 清甜 花蛤: 唔會有沙, 份量多 【燒海膽芝士多士】HK$68 多士烘得脆口, 海膽跟芝士溶為一體, 趁熱食就會有明顯拉絲, 入口唔太覺食緊有海膽, 只有鹹香既甜味 【日本熊本霜降西冷】HK$198 接近手掌般size, 肉汁豐富, order左5成熟, 雖未見有血水滲出, 但西冷扒中為嫩紅, 肉質嫩。仲有香脆薯角伴碟。 另外亦有炸物併盤自由配搭, 但我地都開始見飽, 所以就只order兩款炸物share 炸物原來都同樣出色! 表面炸得金黃, 不帶油膩 【香芋丸】HK$48 炸皮脆中帶鬆軟, 入面有甜甜地既芋蓉, 香芋味幾出 【炸魚手指】HK$48 其實食落唔似炸魚, 肉質結實, 似食緊雞肉條多d, 炸物配沙律醬, 絕配! ************************************************ 餐廳名稱：Season Plus Address: 旺角彌敦道733號振宜大廈地庫 Tel.: 35863737 營業時間: 星期一至四: 15:00 - 23:00 星期五至六: 15:00 - 00:00 星期日: 15:00 - 23:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s She.com: https://blog.she.com/keresawongls/ ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
