銅鑼灣Fashion Walk 係唔少中高級西餐廳既集中地, 每間餐廳門外都設幾張室外座位, 無論本地香港人, 還是外國人都很喜歡前去用餐, 有如置身於外國既小市鎮。 正好今日中秋節, 預先book檯今晚同家人來到其中一間西餐廳Marbling食團年飯。 環境舒服, 優和燈光令氣氛很浪漫, 呢度提供散叫、二人set-dinner, 仲有最為受歡迎既semi-buffet! Main course由HK$215起, 任食自助吧既沙律、冷盤前菜同埋甜品~ 喜歡食牛既我就揀左【牛扒二重奏】HK$398, 另外再加左HK$78要左個香煎鴨肝芒果莎莎 前菜未上檯前, 先去自助吧拎野食, 款式以冷盤為主, 沙律款式不少, 仲有冷盤既青口、煎三文魚同埋已去殼既蝦, 掃左第一round返位食, 似乎餐廳既自助吧以健康為主, 不會有過於油膩既款式供應, 蝦非常爽口, 不過失去鮮甜味; 還好青口大大隻, 拖過鹽水, 更突顯天然海水味~ 蔬菜既煮法配搭亦很出色, keep到蔬菜爽脆口感。 待應送上餐包同埋精緻餐湯-忌廉南瓜湯 杰杰地, 很幼滑, 甜甜地, 可惜只有一小杯, 唔太夠喉~ 餐包其中一款有點偏硬, 另一款鬆軟一點 香煎鴨肝芒果莎莎 底層既多士烘得帶脆口, 切開鴨肝, 依然keep到juicy, 近乎入口即溶, 加上了甜甜既芒果粒, 增加一點清新。 【牛扒二重奏】HK$398 兩款牛扒均為厚切, 有掌心般咁大, Order左5成熟, 切開既肉質呈嫩紅, 有些少滲血, 很新鮮! 乾式熟成21日既牛: 肉質較嫩, 很林, 牛味很出 相對鴨巴甸400日牛扒, 肉味偏濃, 肉質結實 無需點額外醬汁, 都能食到牛既原汁原味~ 妹妹就order左【精選燒烤拼盤】HK$348 特選部位牛扒同樣有厚度, 肉汁豐富、夠林。大蝦非常爽口, 上面佈滿左香辣配料令整隻蝦辣辣地, 夠惹味。羊仔扒生熟度剛好, 同樣keep到原汁原味, 唔食有過重羊羶味。帶子表面煎後更香口, 鮮甜~ 另加HK$65 芝士焗田螺香酥盒 田螺唔會過硬, 酥皮層層酥脆, 一刀切落去仲脆到有聲, 配上軟軟芝士, perfect! 最後當然再要到自助吧拎甜品, 款式唔算多, 不定時換上新款, 還有不同手製芝士都是任食! 檸檬批 - 酸味味, 幫助一下消化 Semi-buffet包括一杯餐飲, 但其實呢度亦提供多款紅白酒選擇, 配上餐廳既食物, 絕對是享受~ 唔飲酒既都有幾款Mocktail選擇 Virgin Colada 係一杯以椰汁同埋菠蘿mix-up既特飲, 兩者味道平均, 甜甜地又帶椰香味, 唔錯! 環境氣氛浪漫有格調, 特別岩情侶約會、同朋友慶祝生日/紀念日既好選擇, 自助吧fill-in很密, 唔會有吉碟情況出現, 雖然款式唔算太多, main course質素一流, 夠飽! ************************************************ 餐廳名稱：Marbling Address: 銅鑼灣Fashion Walk食街加寧街5-7號地下C舖 Tel.: 28021128 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s She.com: https://blog.she.com/keresawongls/ ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
